Frumvarp Þorbjargar Sigríðar Gunnlaugsdóttur dómsmálaráðherra um brottfararstöð var samþykkt eftir þriðju umræðu á Alþingi í dag.

Með lögunum verður stjórnvöldum heimilt að vista umsækjendur um alþjóðlega vernd tímabundið í brottfararstöð „þegar nauðsynlegt er að tryggja að viðkomandi verði á staðnum þegar hann á að fara af landi,“ eins og Þorbjörg Sigríður lýsti lögunum í færslu á Facebook í dag.

„Úrræðið er hugsað sem síðasta úrræði, notað þegar vægari leiðir duga ekki,“ skrifaði ráðherra. „Sambærileg úrræði eru til á öllum Norðurlöndum og í Schengen-ríkjum. Frumvarpið er unnið að norskri fyrirmynd og með því er brottvísunartilskipun Evrópusambandsins innleidd að fullu. Í dag er framkvæmdin sú að fangaklefar eru nýttir í þessum tilvikum. Sú leið er harkalegri en það sem frumvarpið leggur til. Það er ekki svo að allir sem fá synjun um alþjóðlega vernd verði vistaðir í brottfararstöð. Í flestum tilvikum virðir fólk niðurstöðu stjórnvalda og þiggur aðstoð við að fara úr …