Donald Trump Bandaríkjaforseti tilkynnti rétt í þessu að hann hefði fallist á að fresta árásum á Íran, sem hann hafði sagt að myndu eyða siðmenningunni varanlega, um tvær vikur.
Ástæðurnar segir hann að Íran hafi sent áætlun í 10 liðum sem hægt sé að vinna með.
Trump sagðist vera reiðubúinn til vopnahlés í stríðinu ef Teheran opnaði aftur hið mikilvæga Hormússund að fullu.
„Ég samþykki að fresta sprengjuárásum og árás á Íran í tvær vikur,“ birti Trump á samfélagsmiðlum rúmri klukkustund fyrir lokafrestinn, eftir viðræður við pakistanska sáttasemjara. Þá segir hann endanlegt samkomulag um langtímafrið langt komið.
Engu að síður tilkynnti Ísrael um loftárásir frá Íran eftir að Trump gaf út yfirlýsinguna.
Olíuverð á heimsmarkaði féll um 7% við yfirlýsingu forsetans.
Færsla forsetansForsetinn er skyndilega í friðarhug eftir að hafa hótað eyðingu siðmenningar Írans á miðnætti í kvöld.
Enn einn kaflinn í þessu sjúka raunveruleika sjónvarpi hjá þeim appelsínugula. Hvað ætli Trump og Witkoff fjölskyldurnar hafi hagnast mikið á crypto veðmála síðunum. Og Bandaríska þjóðin og heimurinn allur situr uppi með reikninginn. Og árangurinn er bara eyðilegging og hörmungar, og nú vita Íranir að þeir geta lamað heims hagkerfið. Glæsileg lausn á vandamáli sem var ekki til staðar. Klerka stjórnin í Íran er vond en sú Bandaríska er hættulegri og óstöðugari fyrir heiminn.
1
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Athugasemdir (1)