„Heil siðmenning mun deyja í kvöld og verður aldrei endurvakin,“ sagði Donald Trump í færslu á samfélagsmiðli sínum og ítrekaði kröfur sínar til íranskra stjórnvalda um að semja um endalok stríðsins sem hann hóf gagnvart landinu.
Forsetinn bandaríski hefur gefið Írönum til miðnættis í kvöld til að verða við kröfum sínum, sem felast meðal annars í því að Íranir leyfi á ný frjálsa för skipa um Hormússund. Um sundið fer stór hluti olíu heimsins og hefur lokunin þegar haft víðtæk efnahagsleg áhrif.
Trump skrifaði í færslunni að hann vonaðist til að kannski geti „eitthvað byltingarkennt og dásamlegt gerst“ til að koma í veg fyrir átök. Þá kallaði hann stöðuna eitt mikilvægasta augnablik í „langri og flókinni sögu heimsins“.
„47 ára kúgun, spillingu og dauða mun loksins ljúka. Guð blessi hina stórkostlegu írönsku þjóð!“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.

























































Athugasemdir (2)