Ekki er skýrt í lögum hver skuli annast undirbúning útfarar og standa straum af kostnaði sem af henni hlýst ef dánarbú er eignarlaust.

Þetta kemur fram í skriflegu svari Þorbjargar Sigríðar Gunnlaugsdóttur dómsmálaráðherra við fyrirspurn Ingibjargar Isaksen, þingmanns Framsóknarflokksins.

Ingibjörg spurði hver beri ábyrgð á líki eftir að læknir hefur staðfest andlát og gefið út dánarvottorð þar til útför eða líkbrennsla fer fram, annars vegar þegar venslamanni hins látna er til að dreifa og hins vegar þegar svo er ekki.

Í svari ráðherra kemur fram að í lögum um kirkjugarða, greftrun og líkbrennslu komi fram að lík skuli geymt á stað við hæfi og að dánarvottorð sé afhent venslamanni hins látna sem afhendir það sýslumanni.

Í lögunum séu hins vegar ekki skýr afdráttarlaus ákvæði sem lúti að ábyrgð á líki frá útgáfu dánarvottorðs og fram að útför. „Í lögunum er gert ráð fyrir því að ýmsar ákvarðanir séu teknar af …