Fyrri auka­spurn­ing:

Á hvaða kvik­mynd minnir kjóll­inn eða pilsið hér að ofan?

***

Aðal­spurn­ingar:

1.  „Sól slær silfri á voga, / sjáið jökul­inn loga. / Allt er bjart fyrir okkur tveim, / því ...“ hvað?

2.  Kvæðið hér að ofan er stundum rang­lega kallað Ferðalok en til er raunar annað íslenskt kvæði sem heitir Ferðalok og var ort á 19. öld. Eftir hvern er það?

3.  Í upp­hafi Ferða­loka segir: „Ást­ar­stjörnu / yfir Hraun­dranga ...“ og hvað kemur svo?

4.  Hversu margir af núver­andi þing­mönnum á Alþingi hafa gegnt emb­ætti for­sæt­is­ráð­herra?

5.  Árið 1958 kom 17 ára brasil­ískur fót­bolta­snill­ingur fram á sjón­ar­sviðið á heims­meist­ara­móti, heill­aði alla með leikni sinni og átti mik­inn þátt í að Brasilía varð heims­meist­ari í fyrsta sinn. Hvaða piltur var þetta?

6.  En í hvaða Evr­ópu­landi var það heims­meist­ara­mót haldið?

7.  Í hvaða landi er borgin Canberra?

8.  Hver var trommu­leik­ari Bítlanna lengst af?

9.  Abdulrazak Gurnah fékk afar eft­ir­sótt verð­laun síð­ast­liðið haust, sem reyndar kom ýmsum á óvart. Hvaða verð­laun fékk hann?

10.  Til er orð sem mun vera myndað af japönskum fram­burði á fornu kín­versku orði, sem er aftur á móti umritun á enn öðru orði úr san­krít. Þar merkir það hug­leiðsla eða hug­arró eða eft­ir­sókn eftir hinu sanna. Orðið er nú orðið alþjóð­legt en reyndar ekki mikið notað á Íslandi. Hvaða orð er þetta?

***

Seinni auka­spurn­ing:

Hver er mað­ur­inn?

***

Svör við aðal­spurn­ingum:

1.  „... ég er kom­inn heim.“

2.  Jónas Hall­gríms­son.

3.  „... skýla næt­ur­ský.“

4.  Fjórir — Sig­mundur Davíð, Sigurður Ingi, Bjarni Bene­dikts­son og Katrín Jak­obs­dóttir.

5.  Pelé.

6.  Svíþjóð.

7.  Ástralíu.

8.  Ringo Starr.

9.  Bók­mennta­verð­laun Nóbels.

10.  Zen.

***

Svör við auka­spurn­ingum:

Kjóllinn á fyrri mynd er einn af kjól­unum í mynd­inni Sound of Music sem barn­fóstran söng­glaða saum­aði úr gard­ínu­efni.

Á neðri mynd­inni mátti sjá Gunnar Smára Egilsson.