Þessi grein birtist upphaflega í Stundinni fyrir meira en 2 árum.

Vart stafkrók að finna um tekjuöflun ríkissjóðs hjá Vinstri grænum

Í kosn­inga­áhersl­um Vinstri­hreyf­ing­ar­inn­ar græns fram­boðs er fátt að finna ann­að en al­mennt orð­að­ar yf­ir­lýs­ing­ar nema helst í kafla um um­hverf­is­mál. Í öðr­um mála­flokk­um er hvergi að finna tíma­setn­ing­ar eða skýr­ar áætlan­ir um fjár­hæð­ir sem setja á í verk­efni.

Vart stafkrók að finna um tekjuöflun ríkissjóðs hjá Vinstri grænum
Helst að loftslagsáherslur séu skýrar Í kosningastefnuskrá Vinstri grænna eru stefnumál mjög almennt orðuð og lítið um handfastar tímasetningar eða kostnaðarmat. Katrín Jakobsdóttir, forsætistráðherra og formaður flokksins, vill leiða næstu ríkisstjórn. Mynd: Heiða Helgadóttir

Kosningastefnuskrá Vinstri grænna er uppfull af almennt orðuðum yfirlýsingum um að flokkurinn muni „leggja áherslu á“ ákveðna málaflokka, „vinna að úrbótum á“ öðrum, „auka stuðning“ við enn aðra, og „stefna að“ eða „skoða“ hitt eða annað. Segja má að telja megi á fingrum annarrar handar, í mesta lagi beggja, þau atriði sem fram koma þar sem skýrt er tekið fram hvað Vinstri græn hyggjast gera, komist þau í aðstöðu til eftir komandi alþingiskosningar.

Það er einna helst í áherslum flokksins í loftslagsmálum og umhverfisvernd sem markmið og stefna er sett fram með skýrum og afdráttarlausum hætti. Vinstri græn vilja að stefnt verði að auknum samdrætti í losun gróðurhúsalofttegunda um að minnsta kosti 60 prósent árið 2030 og að kolefnishlutleysi verði náð eigi síðar en 2040. Ekki er sagt berum orðum hvernig ná eigi þessum markmiðum en í stefnuskránni segir þó að setja þurfi fram tímasetta áætlun um orkuskipti í samgöngum, þungaflutningum, sjávarútvegi, landbúnaði og byggingariðnaði með það að markmiði að Ísland verði óháð jarðefnaeldsneyti árið 2045. Ekki er fjallað um endurheimt votlendis í kosningaáherslunum, skógrækt eða landgræðslu í þeim efnum, né um flokkun sorps, endurvinnslu eða neysluhemjandi hvata.

Þá er sett fram sú stefna að vernda beri ósnortin víðerni á 30 prósentum lands og hafs fyrir árið 2030. Áfram verði unnið að stofnun miðhálendisþjóðgarðs. Kveðið var á um stofnun þjóðgarðsins í stjórnarsáttmála sitjandi ríkisstjórnar en frumvarpið varð ekki að veruleika og enginn sátt var um það meðal stjórnarflokkanna þriggja.

Vilja „sanngjarnt gjald“ fyrir nýtingu auðlinda

Vinstri græn vilja bæði að 3. áfangi rammaáætlunar verði afgreiddur en jafnframt að endurskoða þurfi löggjöfina með náttúruvernd að leiðarljósi. Þá eigi að meta orkuþörf samfélagsins á forsendum grænnar uppbyggingar og sjálfbærni.

Þeir sem nýti auðlindir í þjóðareign, land, orku, sjávarauðlindina eða aðrar auðlindir, þurfi að greiða sanngjarnt gjald af þeirri nýtingu. Útfærsla á slíku gjaldi liggur milli hluta í stefnuskránni og sömuleiðis hvað geti túlkast sem sanngjarnt gjald. Þá er ekki gerð tilraun til að leggja mat á hvort, og þá hversu mikið, slíkt sanngjarnt gjald gæti fært ríkissjóði í tekjur.

Stefnubreyting í stjórnarskrármálum

Tryggja þarf auðlindaákvæði í stjórnarskrá að mati Vinstri grænna. Stjórnarskrá er að öðru leyti ekki nefnd í kosningaáherslum flokksins en í stjórnmálaályktun landsfundar flokksins, sem haldinn var um liðna helgi, kom fram að halda þurfi áfram endurskoðun stjórnarskrárinnar. Er þar um stefnubreytingu að ræða frá því fyrir síðustu alþingiskosningar, árið 2017, en þá sagði í kosningaáherslum flokksins: „Ljúkum þeirri vinnu sem hófst með þjóðfundinum 2010 og klárum nýja stjórnarskrá sem byggir á tillögum Stjórnlagaráðs.“

Í efnahags- og skattastefnum kosningastefnuskrár Vinstri grænna kemur fram að tryggja eigi velferð og fjölbreytni. Þannig eigi meðal annars að skoða upptöku þrepaskipts fjármagnstekjuskatts. Í dag er fjármagnstekjuskattur flatur 22 prósenta skattur og skiptir þá engu hversu háar upphæðir er um að ræða. Þannig greiddi tekjuhæsti Íslendingurinn á síðasta ári, samkvæmt álagningarskrá, 22 prósent skatt af tveggja milljarða króna tekjum, í stað þess að greiða á bilinu 35 til 46 prósenta skatt eins og þeir sem aðeins hafa launatekjur. Ekki eru settar fram neinar hugmyndir frekar um hvernig haga ætti slíkri þrepaskiptingu af hálfu Vinstri grænna eða hvaða fjárhæðum slíkt gæti skilað.

Engar tímasetningar

Halda á áfram opinberum framkvæmdum sem löngu eru orðnar tímabærar, segir í kosningastefnuskrá Vinstri grænna. Þar er nefnt að ljúka eigi byggingu nýs Landspítala, verkefni sem er þegar í gangi og ekki stendur annað til en að ljúka. Tiltekið er að ljúka eigi byggingu Listaháskóla í Tollhúsinu, viðbyggingu við endurhæfingardeild á Grensás og legudeild við sjúkrahúsið á Akureyri. Auk þessara framkvæmda eru nefnt að byggja eigi upp hjúkrunarheimili, heilsugæslur og framhaldsskóla, Björgunarmiðstöð, innviði á ferðamannastöðum og ráðast í fjölbreyttar samgönguframkvæmdir. Ekki eru tímasetningar eða kostnaðargreiningar á neinum þessara framkvæmda í stefnuskránni, hvorki þeirra sem tilteknar eru sérstaklega né þeirra sem óljóst er hverjar eru.

Vinstri græn vilja þá leggja áherslu á öfluga innlenda matvælaframleiðslu og styðja betur við hana, til að tryggja matvælaöryggi þjóðarinnar. Ekki kemur fram hvernig það verði gert utan að auka á stuðning við grænmetisrækt og vinna tímasetta áætlun um eflingu lífrænnar framleiðslu.

Þegar kemur að menntamálum og rannsóknum vilja Vinstri græn styrkja rannsóknir og nýsköpun. Fram kemur styrkja eigi betur við Rannsóknarsjóð og Tækniþróunarsjóð, en ekki hvaða upphæðum verði veitt til þess. Þá á að styða við skapandi greinar og gera varanlegar breytingar til að fjölga starfslaunum listamanna. Tryggja þarf sambærilega fjármögnun háskóla og tíðkast annars staðar á Norðurlöndunum.

Vilja afnema komugjöld í heilsugæslu

Vinstri græn vilja auka stuðning við félagslegt húsnæði og fjölga íbúðum í almenna íbúðakerfinu. Ekki kemur fram hvernig haga eigi þeim stuðningi eða hver sú fjölgun á að vera. Þá er ótútskýrt hvaðan þeir fjármunir sem óhjákvæmilega þurfa að fara í verkefnið eiga að koma.

Þar sem fjallað er um heilbrigðiskerfið í kosningaáherslunum segir að auka eigi getu opinbera heilbrigðiskerfisins, en aukin fjárfesting í innviðum og bættir heilsu skili margföldum ávinningi fyrir samfélagið allt. Hvernig það verði gert er ekki skýrt. Vinstri græna vilja þá afnema komugjöld í heilsugæslu og lækka gjöld fyrir aðra heilbrigðisþjónustu, lyf og hjálpartæki. Ekki kemur fram hver kostnaður ríkissjóðs af því mun verða.

Hyggjast lengja fæðingarorlof og brúa bilið

Vinstri græn hyggjast að brúa bilið milli fæðingarorlofs og leikskóla. Um afdráttarlaust loforð er að ræða en ekki kemur fram hversu hratt bilið eigi að brúa. Fyrsta skrefið sé að lengja fæðingarorlof og næsta skref sé að gera tímasetta áætlun í samstarfi við sveitarfélögin um hvernig leikskólar geti tekið við börnum að loknu fæðingarorlofi. Ekki kemur fram hvort Vinstri græn geri ráð fyrir að ríkissjóður styðji við sveitarfélögin með fjárframlögum í þeim efnum og ekki kemur heldur fram hversu mikið eigi að lengja fæðingarorlofið, hvenær það eigi að gerast eða hversu mikill kostnaður geti hlotist af því.

Þá vilja Vinstri græn standa að „endurreisn barnabótakerfisins“ svo það nái til fleiri barnafjölskyldna. Ekkert er talað um upphæðir í því samhengi né aðrar tölulegar staðreyndir.

Vinna á að úrbótum á framfærslu öryrkja og setja tekjulægstu hópana og öryrkja með börn í forgang, samkvæmt kosningaáherslum Vinstri grænna. Ekki er nefnt hvort afnema eigi tekjuskerðingar eða hvort hækka eigi lífeyrisgreiðslur, né annað.

Vinstri græn vilja taka vel á móti fólki á flótta, bæði kvótaflóttamönnum og umsækjendum um alþjóðlega vernd, enda aldrei fleira fólk verið á flótta vegna stríðsátaka og loftslagsbreytinga. Hins vegar er ekki minnst á með hvaða hætti eigi að gera slíkt eða hvort Ísland eigi að hafa frumkvæði að því að bjóða flóttafólki í meira mæli hæli hingað til lands.

Í kafla um mannréttindi og kynjajafnrétti segir að halda þurfi áfram því verkefni að útrýma kynbundnu ofbeldi í samfélaginu. Ekki er tilgreint til hvaða aðgera á að grípa í þessu skyni, hvort menntakerfið verði eflt til þess eða aðrar leiðir farnar. Þá segir að tryggja þurfi betur réttarstöðu brotaþola kynbundis ofbeldis, kynferðisofbeldi og áreitni með skýrum lagabreytingum og markvissri framkvæmd.

Í nýjustu könnun á fylgi stjórnmálaflokkana, sem MMR framkvæmdi fyrir Morgunblaðið og birtist 26. ágúst síðastliðinn, mældist stuðningur við Vinstri græn 10,9 prósent. Miðað við útreikninga myndi það skila flokknum sjö þingmönnum. Í umfjöllun Morgunblaðsins er skipting þingsæta eftir kjördæmum greind, þó sá fyrirvari sé settur að sökum þess að fá svör séu á bak við fylgishlutfall í hverju kjördæmi beri að taka slíkri skiptingu með varúð.

Athygli vekur engu að síður að Vinstri græn mælast ekki með mann inni í Norðausturkjördæmi, því kjördæmi sem lengst af hefur verið hvað sterkasta vígi flokksins. Oddviti flokksins þar er Bjarkey Olsen Gunnarsdóttir, þingflokksformaður Vinstri grænna. Hún tók oddvitasætið eftir að Óli Halldórsson, sem varð hlutskarpastur í prófkjöri flokksins, ákvað að víkja úr því vegna veikinda í fjölskyldunni. Steingrímur J. Sigfússon, forseti Alþingis og fyrrverandi formaður flokksins, hafði setið í oddvitasætinu óslitið frá árinu 1999 en ákvað að gefa ekki kost á sér að nýju fyrir komandi kosningar.

Í könnun Maskínu fyrir Stöð 2, sem birt var 24. ágúst síðastliðinn, mældust Vinstri græn næst stærst flokka, með 14,2 prósenta stuðning kjósenda. Í kosningunum 2017 fékk flokkurinn 16,9 prósenta fylgi og 11 þingmenn kjörna. Tveir þingmenn, Andrés Ingi Jónsson og Rósa Björk Brynjólfsdóttir, sögðu hins vegar skilið við flokkinn á kjörtímabilinu.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Alþingiskosningar 2021

„Það er enginn dómari í eigin sök“
Fréttir

„Það er eng­inn dóm­ari í eig­in sök“

Magnús Dav­íð Norð­dahl, odd­viti Pírata í norð­vest­ur­kjör­dæmi í þing­kosn­ing­un­um 2021, seg­ir nið­ur­stöðu Mann­rétt­inda­dóm­stóls Evr­ópu um eft­ir­mál kosn­ing­anna ánægju­lega en á sama tíma kvíð­væn­lega. Dóm­ur­inn er áfell­is­dóm­ur yf­ir ís­lensk­um stjórn­völd­um sem nú þurfa að grípa til úr­bóta. Til þess þurfi stjórn­ar­skrár­breyt­ingu.
Inga Sæland vill ekki bregðast við ásökunum á hendur frambjóðanda Flokks fólksins
FréttirAlþingiskosningar 2021

Inga Sæ­land vill ekki bregð­ast við ásök­un­um á hend­ur fram­bjóð­anda Flokks fólks­ins

Inga Sæ­land, formað­ur Flokks fólks­ins, seg­ist ekki vilja bregð­ast við tölvu­pósti þar sem fram­bjóð­andi flokks­ins er sak­að­ur um að hafa brot­ið ít­rek­að á kon­um í gegn­um tíð­ina. Hún seg­ist ekki vita um hvað mál­ið snýst og ætli því ekki að að­haf­ast. Hún seg­ist þó hafa feng­ið ábend­ingu um sama mál nokkr­um dög­um fyr­ir kosn­ing­ar. Mis­mun­andi er eft­ir flokk­um hvaða leið­ir eru í boði til þess að koma á fram­færi ábend­ingu eða kvört­un um með­limi flokks­ins. Flokk­ur fólks­ins er til að mynda ekki með slík­ar boð­leið­ir.
Meðlimur í kjörstjórn kærir vegna „gruns um kosningasvik“ í Suðvesturkjördæmi
Fréttir

Með­lim­ur í kjör­stjórn kær­ir vegna „gruns um kosn­inga­svik“ í Suð­vest­ur­kjör­dæmi

Geir Guð­munds­son, með­lim­ur í kjör­stjórn Kópa­vogs, hef­ur lagt fram kæru til lög­regl­unn­ar á höf­uð­borg­ar­svæð­inu vegna fram­kvæmd kosn­inga í Suð­vest­ur­kjör­dæmi. Hann vill að lög­regla rann­saki kjör­gögn áð­ur en þeim er eytt, vegna full­yrð­inga um­boðs­manns Sósí­al­ista­flokks­ins um mis­mun­andi stærð kjör­seðla.
Þrír starfsmenn Hótels Borgarness tóku myndir í tómum talningasal
Fréttir

Þrír starfs­menn Hót­els Borg­ar­ness tóku mynd­ir í tóm­um taln­inga­sal

Starfs­menn Hót­el Borg­ar­nes höfðu óheft­an að­gang að óinn­sigl­uð­um at­kvæð­um í auð­um sal hót­els­ins með­an yfir­kjör­stjórn var ekki á staðn­um eft­ir að fyrstu taln­ingu lauk. Lög­regl­an get­ur ekki stað­fest hvort að starfs­menn­irn­ir hafi far­ið að svæð­inu sem kjör­gögn­in voru geymd vegna þess að starfs­menn­irn­ir hverfa úr sjón­ar­sviði eft­ir­lits­mynda­véla. Þrír starfs­menn tóku mynd­ir af saln­um og þá at­kvæð­um.

Mest lesið

Öryggisverðir gæta Bjarna – „Nokkuð góðir í að vera ósýnilegir“
2
Fréttir

Ör­ygg­is­verð­ir gæta Bjarna – „Nokk­uð góð­ir í að vera ósýni­leg­ir“

Bjarni Bene­dikts­son for­sæt­is­ráð­herra vill ekki kalla þá líf­verði, ör­ygg­is­verð­ina sem fylgja hon­um hvert fót­mál. „Þeir eru nokk­uð góð­ir í að vera ósýni­leg­ir þannig að ég geti sinnt mín­um störf­um,“ seg­ir hann. Áhættumat vegna ör­ygg­is ráð­herra rík­is­stjórn­ar Ís­lands er í sí­felldri end­ur­skoð­un, sam­kvæmt embætti rík­is­lög­reglu­stjóra.
Þórður Snær Júlíusson
4
Leiðari

Þórður Snær Júlíusson

Er það að gefa að minnsta kosti hálf­an millj­arð góð með­ferð op­in­bers fjár?

Fyrr­ver­andi rík­is­lög­reglu­stjóri með sterk flokk­spóli­tísk tengsl tók ákvörð­un um að gera vel við nána sam­starfs­menn sína rétt áð­ur en þeir fóru á eft­ir­laun og rétt áð­ur en hann þurfti að semja um starfs­lok. Kostn­að­ur­inn við þessa ákvörð­un er að minnsta kosti rúm­lega 500 millj­ón­ir króna og skatt­greið­end­ur bera hann. Tveir nú­ver­andi ráð­herr­ar voru kolrang­stæð­ir í yf­ir­lýs­ing­um sín­um um mál­ið að mati Hæsta­rétt­ar og nú­ver­andi dóms­mála­ráð­herra get­ur ekki feng­ið sig til að biðja um rann­sókn á því.
Grátrana sást á Vestfjörðum
5
Fréttir

Grátr­ana sást á Vest­fjörð­um

Grátr­ana sást á túni vest­ur í Djúpi á Vest­fjörð­um. Um er ræða sjald­séð­an flæk­ings­fugl og þyk­ir það tíðund­um sæta að hann hafi sést á þess­um slóð­um en hing­að til hafa þeir að­eins fund­ist á Aust­ur­landi og á Norð-Aust­ur­landi. Fugl­inn varð á vegi hjón­anna Kristjáns Sig­ur­jóns­son­ar og Áslaug­ar Ótt­ars­dótt­ur sem náðu af smella af nokkr­um mynd­um af trön­unni áð­ur en hún flaug á brott.

Mest lesið

Mest lesið í vikunni

Fékk ekki að segja bless við eiginmann sinn
2
Fréttir

Fékk ekki að segja bless við eig­in­mann sinn

Sara Sig­ur­björg Guð­munds­dótt­ir, eig­in­kona Precious Fel­ix Tani­mola sem var send­ur úr landi til Níg­er­íu í nótt, seg­ist ekki hafa feng­ið að kveðja hann: „Sím­inn var tek­inn af hon­um og ég fékk ekki að segja bless.“ Precious flúði til Ís­lands frá Úkraínu vegna stríðs­ins. Hon­um hafði ári áð­ur ver­ið boð­ið að spila þar fót­bolta með úkraínsku fé­lagsliði.
Skuldir á hvern íbúa í Garðabæ og Hafnarfirði nálgast tvær milljónir króna
5
Greining

Skuld­ir á hvern íbúa í Garða­bæ og Hafnar­firði nálg­ast tvær millj­ón­ir króna

Mik­ið er skegg­rætt um fjár­hags­stöðu sveit­ar­fé­laga á höf­uð­borg­ar­svæð­inu. Þeg­ar horft er á skulda­stöðu þess hluta rekst­urs þeirra sem er fjár­magn­að­ur með skatt­tekj­um er stað­an skást í Kópa­vogi og Reykja­vík en versn­ar hrað­ast í Garða­bæ og á Seltjarn­ar­nesi, þar sem veltu­fé frá rekstri var nei­kvætt í fyrra. Hafn­ar­fjörð­ur er eina sveit­ar­fé­lag­ið á höf­uð­borg­ar­svæð­inu sem var með veltu­fjár­hlut­fall, sem seg­ir til um getu sveit­ar­fé­lags til að borga skuld­ir sín­ar, um­fram það sem æski­legt er. Heim­ild­in rýndi í árs­reikn­inga sveit­ar­fé­lag­anna.
Hvað gerist í huganum þegar við hreyfum okkur?
8
ViðtalHlaupablaðið 2024

Hvað ger­ist í hug­an­um þeg­ar við hreyf­um okk­ur?

„Mögn­uð“ breyt­ing verð­ur á hug­an­um þeg­ar við hreyf­um okk­ur. Hreyf­ing virk­ar eins og þung­lynd­is­lyf á þau sem glíma við vægt eða miðl­ungs þung­lyndi. Endorfín, sem fást við hlaup, hafa áhrif á túlk­un til­finn­inga, deyfa sárs­auka og valda sælu­til­finn­ingu. Steinn B. Gunn­ars­son íþrótta- og lýð­heilsu­fræð­ing­ur veit­ir inn­sýn í áhrif­in og ráð til að fá hug­ann til að halda sig við hreyf­ing­una.
Öryggisverðir gæta Bjarna – „Nokkuð góðir í að vera ósýnilegir“
9
Fréttir

Ör­ygg­is­verð­ir gæta Bjarna – „Nokk­uð góð­ir í að vera ósýni­leg­ir“

Bjarni Bene­dikts­son for­sæt­is­ráð­herra vill ekki kalla þá líf­verði, ör­ygg­is­verð­ina sem fylgja hon­um hvert fót­mál. „Þeir eru nokk­uð góð­ir í að vera ósýni­leg­ir þannig að ég geti sinnt mín­um störf­um,“ seg­ir hann. Áhættumat vegna ör­ygg­is ráð­herra rík­is­stjórn­ar Ís­lands er í sí­felldri end­ur­skoð­un, sam­kvæmt embætti rík­is­lög­reglu­stjóra.
Katrín eini matvælaráðherra VG sem tekur ekki afstöðu gegn gjafakvótanum í laxeldinu
10
FréttirLaxeldi

Katrín eini mat­væla­ráð­herra VG sem tek­ur ekki af­stöðu gegn gjafa­kvót­an­um í lax­eld­inu

Bæði Bjarkey Gunn­ars­dótt­ir og Svandís Svavars­dótt­ir hafa lýst því yf­ir að þær vilji tíma­binda rekstr­ar­leyf­in í sjókvía­eld­inu. Eini mat­væla­ráð­herra VG á síð­asta og yf­ir­stand­andi kjör­tíma­bili sem ekki hef­ur gert slíkt hið sama er Katrín Jak­obs­dótt­ir for­setafram­bjóð­andi. Hún vann tals­vert að frum­varp­inu, fund­aði með hag­að­il­um um það og lét breyta ein­staka grein­um þess.

Mest lesið í mánuðinum

Skólastjórinn hættir eftir áralanga óánægju foreldra
1
Fréttir

Skóla­stjór­inn hætt­ir eft­ir ára­langa óánægju for­eldra

Móð­ir á Kirkju­bæj­arklaustri ætl­ar að flytja með börn­in sín úr bæn­um þar sem hún tel­ur ástand­ið í Kirkju­bæj­ar­skóla óvið­un­andi. Son­ur henn­ar hef­ur lít­ið mætt í skól­ann í á ann­að ár eft­ir at­vik í skól­an­um sem for­eldr­arn­ir kærðu til lög­reglu. Mál­ið var lát­ið nið­ur falla. Skóla­stjór­inn er nú á för­um en sveit­ar­stjór­inn seg­ir það „eng­um ein­um að kenna þeg­ar tveir deila“.
Rúlletta Róberts og vitnisburðir starfsfólks: „Þetta er bara rosalega mikið álag“
3
ÚttektRóbert Wessman, Alvogen og Alvotech

Rúll­etta Ró­berts og vitn­is­burð­ir starfs­fólks: „Þetta er bara rosa­lega mik­ið álag“

Starfs­menn Al­votech lýsa vinnu­álag­inu sem ómann­eskju­legu og hafa leit­að til stétt­ar­fé­laga út af ógreiddri yf­ir­vinnu og fleiri mál­um. Vinnu­að­stæð­urn­ar hafa ver­ið svona út af því að Al­votech hef­ur unn­ið að því að fá mark­aðs­leyfi fyr­ir sam­heita­lyf Humira í Banda­ríkj­un­um. Fyr­ir­tæk­ið hef­ur veðj­að öllu á þetta lyf en sala á því hef­ur dreg­ist sam­an og sam­heita­lyfj­um þess hef­ur alls ekki geng­ið eins vel í Banda­ríkj­un­um og reikn­að var með.
Fékk ekki að segja bless við eiginmann sinn
6
Fréttir

Fékk ekki að segja bless við eig­in­mann sinn

Sara Sig­ur­björg Guð­munds­dótt­ir, eig­in­kona Precious Fel­ix Tani­mola sem var send­ur úr landi til Níg­er­íu í nótt, seg­ist ekki hafa feng­ið að kveðja hann: „Sím­inn var tek­inn af hon­um og ég fékk ekki að segja bless.“ Precious flúði til Ís­lands frá Úkraínu vegna stríðs­ins. Hon­um hafði ári áð­ur ver­ið boð­ið að spila þar fót­bolta með úkraínsku fé­lagsliði.
Ákveðið að saksækja þrjá í Lindsor-málinu rúmum 15 árum síðar
10
Skýring

Ákveð­ið að sak­sækja þrjá í Lindsor-mál­inu rúm­um 15 ár­um síð­ar

Sama dag og Geir H. Haar­de flutti ræðu til þjóð­ar­inn­ar þar sem hann bað guð um að blessa Ís­land veitti Kaupþing af­l­ands­fé­lagi lán sem not­að var til að kaupa verð­lít­il skulda­bréf af starfs­mönn­um og vild­ar­við­skipta­vini bank­ans. Nú, 15 og hálfu ári eft­ir að lán­ið var veitt, stend­ur til að sak­sækja þrjá ein­stak­linga í Lúx­em­borg vegna þess.

Mest lesið í mánuðinum

Nýtt efni

Mest lesið undanfarið ár