„Aukið eft­ir­lit með hluta­bóta­leið­inni er ekki hafið. En það eru skýr fyr­ir­mæli frá yfir­völdum um að þegar rykið sest hjá okkur þá eigi að fara í eft­ir­lit. Þetta er bráða­að­gerð, hluta­bóta­leiðin, og okkar mark­mið hefur fyrst og fremst verið að verja hags­muni starfs­fólks fyr­ir­tækja. Eft­ir­litið verður því eftir-á-eft­ir­lit en ekki sam­tíma­eft­ir­lit. Við höfum bara ekki tíma eða manna­for­ráð í það,“ segir Unnur Sverr­is­dóttir, for­stjóri Vinnu­mála­stofn­unar, aðspurð um eft­ir­litið með hluta­bóta­leið­inni sem Vinnu­mála­stofnun stundar sam­hliða með­ferð á umsóknum frá fyr­ir­tækjum um að greiða út hluta­bætur til fyr­ir­tækja.

„Mér finnst þetta alveg svæsið.“

Fréttir um arð­greiðslur fyr­ir­tækja eins og Skelj­ungs og Össurar, sem hafa nýtt sér hluta­bóta­leið­ina fyrir starfs­fólk sitt sam­hliða því sem þau greiða út arð, hafa vakið mikla athygli á síð­ustu dögum. Aðspurð um hvað henni finn­ist um arð­greiðslu Skelj­ungs sam­hliða notkun á hluta­bóta­leið­inni …