Ólöf Arnalds safnar fyrir útgáfu fimmtu breiðskífu sinnar

Ólöf Arnalds hóf sól­ó­feril sinn með hinni róm­uðu „Við og við.“ Á erlendri grundu var „Við og við“ valin ein af bestu plötum árs­ins af Paste Magazine og eMusic valdi hana eina af bestu plötum fyrsta ára­tug­ar­ins. Ólöf hefur síðan gefið út plöt­urnar Innundir skinni, Sudden Elevation og Palme. Hún hefur leikið á tón­leikum víðs­vegar um Evrópu, Banda­ríkin og Ástralíu og komið fram í útvarpi og sjón­varpi. Fjöldi erlendra miðla hafa fjallað um Ólöfu og verk hennar. Mætti þar nefna The New York Times, The Guardian, Vanity Fair, Paste, BBC, KEXP og Uncut.

Hún hefur nú samið öll lögin sem eiga að vera á fimmtu breið­skífu hennar, sem mun bera nafnið „Tár í morg­unsárið“ og verður á íslensku. Ólöf safnar nú fyrir upp­töku hennar á Karolina Fund.

[adspot]Ólöf seg­ist ekk­ert geta gert að því að þurfa alltaf að vera að búa til tón­list. „Það eru nokkur ár liðin frá útgáfu síð­ustu plöt­unnar minnar svo það voru mjög mörg lög og textar búin að hlað­ast upp. Ég er svo heppin að hafa fengið tæki­færi til að vinna í Sund­laug­inni hljóð­veri á ný. Við og við var hljóð­rituð þar og Innundir skinni, svo þetta er svo­lítið eins og að koma heim. Ég er byrjuð taka upp þar núna. Ég varð bara að fá leyfi frá Kjartani Sveins­syni til að byrja að tappa ein­hverju af þessu efni af. Svo það er eins gott að ég nái mark­inu.“

Að sögn Ólafar eru yrk­is­efni hennar yfir­leitt mjög per­sónu­leg. „Ég hef eig­in­lega aldrei kunnað neitt annað. Gítar og rödd verða í aðal hlut­verki en svo verða líka önnur hljóð­færi þar sem mig langar og þar verða vel valdir hljóð­færa­leik­arar í hverju rúmi.“

Hún segir að á nýju plöt­unni sé hún á ein­hvern hátt að snúa aftur heim. „Text­arnir verða á íslensku og upp­tök­urnar í Sund­laug­inni. Ég er ótrú­lega þakk­lát fyrir góðar við­tökur núna strax í byrjun söfn­un­ar­innar og vona að það haldi áfram að ganga svona vel!“

Hér er hægt að skoða og taka þátt í söfn­un­inni.