Kosningastjóri Samfylkingarinnar nýr aðstoðarmaður borgarstjóra

Diljá Ragn­ars­dóttir hefur verið ráðin aðstoð­ar­maður Dags B. Egg­erts­sonar borg­ar­stjóra. Hún er lög­fræð­ingur og var kosn­inga­stjóri Sam­fylk­ing­ar­innar í Reykja­vík í síð­ustu sveit­ar­stjórn­ar­kosn­ingum sem fram fóru fyrr á þessu ári.

Í til­kynn­ingu frá Reykja­vík­ur­borg segir að Diljá hafi útskrif­að­ist með BA gráðu í lög­fræði frá Háskól­anum í Reykja­vík vorið 2017 og lauk svo masters­námi þaðan árið 2021. „Diljá starf­aði hjá LMG lög­mönnum frá 2019 til 2022. Hún var kosn­inga­stjóri Sam­fylk­ing­ar­innar í Reykja­vík í síð­ustu sveit­ar­stjórn­ar­kosn­ingum. Um mitt ár 2022 hóf hún störf hjá Marel.“

Hún mun hefja störf á skrif­stofu borg­ar­stjóra og borg­ar­rit­ara í Ráðhúsi Reykja­víkur í jan­úar 2023.

[adspot]Diljá tekur við aðstoð­ar­manna­starf­inu af Pétri Krogh Ólafs­syni, sem hefur verið aðstoð­ar­maður Dags frá árinu 2014. Pétur var ráð­inn í nýtt starf þró­un­ar- og við­skipta­stjóra hjá Veit­um, sem er dótt­ur­fé­lag Orku­veitu Reykja­víkur (OR), í byrjun des­em­ber.

Kjarninn greindi frá því að staðan hafi ekki verið aug­lýst en OR er að langstærstu leyti í eigu Reykja­vík­ur­borgar. Áður en Pétur gerð­ist aðstoð­ar­maður Dags hafði hann nýtt starf þró­un­ar- og við­skipta­stjóra hjá Veit­um, sem er dótt­ur­fé­lag Orku­veitu Reykja­víkur (OR).

Dagur, sem er odd­viti Sam­fylk­ing­ar­innar, mynd­aði meiri­hluta með Fram­sókn­ar­flokknum, Viðreisn og Pírötum eftir síð­ustu kosn­ingar. Hann hefur verið borg­ar­stjóri í Reykja­vík sam­fleytt frá árinu 2014 en mun láta af því emb­ætti í lok næsta árs. Þá mun Einar Þor­steins­son, odd­viti Fram­sókn­ar­flokks­ins, taka við sem borg­ar­stjóri en Dagur verða for­maður borg­ar­ráðs.