Sigurður Ingi Jóhannsson, formaður Framsóknarflokksins og innviðaráðherra, segir að ekki sé unnt að fallast á áætlanir Reykjavíkurborgar um fyrirhugaða byggð í Skerjafirði að óbreyttu. Óásættanlegt sé að farið sé í slíkar framkvæmdir án þess að fullkannað sé hvort og þá með hvaða hætti verði tryggt að þær hafi ekki neikvæð áhrif á rekstraröryggi Reykjavíkurflugvallar. „Ráðherra mun því hvorki geta fallist á að farið verði í umræddar framkvæmdir í Skerjafirði né aðrar slíkar framkvæmdir í næsta nágrenni við flugvöllinn nema sýnt hafi verið með óyggjandi hætti fram á að flugöryggi og rekstraröryggi sé ekki stefnt í hættu.“
Þetta kemur fram í skriflegu svari Sigurðar Inga við fyrirspurn Þorgríms Sigmundssonar, varaþingmanns Miðflokksins, um hvort ráðherrann ætli sér að koma í veg fyrir „byggð í Nýja-Skerjafirði eins og þarf til að verja Reykjavíkurflugvöll?“
Verðandi borgarstjóri Framsóknar vonast eftir hverfinu
Í svari sínu ítrekar Sigurður Ingi því fyrri afstöðu ráðuneytisins, sem var gerð opinber í bréfi til borgarstjórnar Reykjavíkur í júní þar sem sagði að framkvæmdir við byggðina dragi verulega úr rekstraröryggi Reykjavíkurflugvallar.
[adspot]Krafðist hann þess að framkvæmdum við uppbyggingu hverfisins, þar sem 690 íbúðir eiga að rísa, yrði frestað. Í því bréfi kom einnig fram að ráðuneytið hefði skipað starfshóp sérfræðingar sem skila eigi niðurstöðum 1. október næstkomandi.
Í frétt RÚV um bréfið, sem birt var 24. júní, var rætt við Einar Þorsteinsson, oddvita Framsóknarflokksins í Reykjavík og samflokksmann Sigurðar Inga, sem situr nú í meirihlutastjórn í Reykjavík.
Einar gegndi þá hlutverki staðgengils borgarstjóra og verður auk þess borgarstjóri frá og með byrjun árs 2024. Í fréttinni sagðist Einar vonast til þess að framkvæmdir við uppbyggingu hverfisins yrðu ekki blásnar af. „Ég vona það verði hægt að byggja þarna fallegt hverfi, sem þjónar þessum hópum sem eru í sárri neyð eftir húsnæði og um leið að tryggja rekstraröryggi flugvallarins.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
flugmál
PLAY að ráðast í hlutafjáraukningu sem átti alls ekki að ráðast í fyrir nokkrum mánuðum
Icelandair Group hagnaðist um 7,7 milljarða króna á þremur mánuðum
Ari Trausti Guðmundsson
Ekki alveg svona einfalt...
Dagur: Hvassahraun virðist „ein öruggasta staðsetningin“ fyrir innviði á Reykjanesskaga
PLAY tapaði 3,6 milljörðum króna á fyrstu sex mánuðum ársins
Athugasemdir