Kaup Ardian á Mílu í uppnámi

Í októ­ber síð­ast­liðnum und­ir­rit­uðu Ardian France SA og Síminn hf. kaup­samn­ing kaup og sölu alls hluta­fjár Mílu ehf., með áætl­uðum sölu­hagn­aði upp á 46 millj­arða króna fyrir Símann, með hefð­bundnum fyr­ir­vara um sam­þykki Sam­keppn­is­eft­ir­lits­ins. Í síð­asta mán­uði upp­lýsti Síminn svo að Ardian hefði óskað eftir sátta­við­ræðum við Sam­keppn­is­eft­ir­litið og skilað inn til­lögum að skil­yrðum til þess að mæta sam­keppn­is­legum áhyggjum þess.

[adspot][links]Nú hefur Ardian hins vegar til­kynnt Símanum að það væri mat fjár­fest­inga­sjóðs­ins að til­lög­urnar sem hann hefði lagt til væru of íþyngj­andi og þess eðlis að þær fælu í sér nei­kvæð áhrif í skiln­ingi kaup­samn­ings­ins. Það væri mat Ardian að ef sam­run­inn verði sam­þykktur af hálfu sam­keppn­is­yf­ir­valda með fyr­ir­liggj­andi skil­yrðum fæli það í sér að eitt af skil­yrðum þess að við­skiptin gangi í gegn sam­kvæmt kaup­samn­ingnum telj­ist ekki upp­fyllt. Ardian hafi því upp­lýst að félagið væri ekki reiðu­búið til þess að ljúka við­skipt­unum á grund­velli óbreytts kaup­samn­ings.

Að því er fram kemur í til­kynn­ingu Símans hf. mun fyr­ir­tækið ræða við Ardian um atriði sem varða kaup­samn­ing aðil­anna sam­hliða við­ræðum Ardian við Sam­keppn­is­eft­ir­litið.