Reykjavíkurborg – stórskuldug eða hvað?

Nið­ur­staðan vafð­ist ekki fyrir Þorvarði. Full­yrð­ingar um laka fjár­hags­stöðu Reykja­vík­ur­borgar væru algjör­lega úr lausu lofti gripnar. Staðan væri í raun þver­öfug, borgin stæði fjár­hags­lega best allra sveit­ar­fé­laga á höf­uð­borg­ar­svæð­inu. Þor­varður kveður þá sem halda öðru fram fara með vís­vit­andi ósann­indi eða sýna af sér mjög yfir­grips­mikla vann­þekk­ingu. Hvorugt væri gott segir hann með réttu. Það er eins gott að þessi fyrr­ver­andi fram­kvæmda­stjóri Samtaka sunn­lenskra sveit­ar­fé­laga fari þá með rétt mál.

[links]Þor­varður birtir m.a. tölu­legan sam­an­burð þar sem hann ber saman skulda­hlut­fall sveit­ar­fé­laga á höf­uð­borg­ar­svæð­inu árið 2020. Bornar séu saman tölur úr A hluta árs­reikn­inga þ.e. borg­ar­sjóðs og bæj­ar­sjóða. B hluta reikn­ing­arnir [reikn­ingar sjálf­stæðra bæj­ar­fyr­ir­tækja] séu ekki bornir saman vegna þess að flestar stofn­an­irnar og fyr­ir­tækin séu með sjálf­bæran rekstur og afli tekna sem duga fyrir kostn­aði, m.a. greiðslu­byrði lána (sic).

Hann kveður skulda­hlut­fallið, þ.e. hlut­fall milli skulda og heild­ar­tekna árs­ins, en þar er miðað við að hlut­fallið fari ekki yfir 150%. Skulda­hlut­fallið sýni hlut­fall skulda og skuld­bind­inga af heild­ar­tekjum A-hluta sveit­ar­fé­laga. Þarna er fram­kvæmda­stjór­inn fyrr­ver­andi heldur betur á villi­götum. Í reglu­gerð þar um segir að heild­ar­skuldir og skuld­bind­ingar [A- og B-hluta] í reikn­ings­skilum skuli ekki vera hærri en nemur 150% af reglu­legum tekjum. Um þetta ríkir hvergi neinn ágrein­ingur.

Því miður er Þor­varður ekki sá eini sem hefur notað þessa fram­setn­ingu. Aðrir hafa gert það í blekk­ing­ar­skyni. En ekki ætla ég að væna Þorvarð Hjalta­son um slíkt. Spurn­ingin er hvort hann biðst nú ekki vel­virð­ingar á stór­yrðum sínum.

[adspot]Árs­reikn­ingar Reykja­vík­ur­borgar eru ekki sam­an­burð­ar­hæfir við reikn­inga flestra eða allra ann­arra sveit­ar­fé­laga nema skuldir sem borgin hefur stofnað til til að fjár­magna félags­legt hús­næði sé tekið með þótt um það sé sér­stakt félag í eigu borg­ar­innar. Ég gerði það mér til gam­ans að reikna út skulda­hlut­fall A hluta Reykja­vík­ur­borgar, en að við­bættum skuldum Félags­bú­staða og að frá­dregnum „tekjum“ sem Félags­bú­staðir hafa af svo­nefndri „mats­breyt­ingu fjár­fest­inga­eigna“. Þetta gerði ég vegna þess að það sem borgin nefnir „mats­breyt­ing fjár­fest­inga­eigna“ (sem eru raunar félags­legar íbúðir) getur ekki talist vera reglu­legar tekjur og fyr­ir­tækið er hvorki með sjálf­bæran rekstur né tekjur sem duga fyrir kostn­aði, m.a. greiðslu­byrði lána, svo vísað sé til orða Þor­varðar. Skulda­hlut­fall Reykja­vík­ur­borgar kveður Þor­varður vera 96%. Ef rétt­mætur sam­an­burður er not­aður er skulda­hlut­fall borg­ar­innar þannig ekki 96%, heldur 131% og fer hratt versn­andi. Stefnir raunar þráð­beint upp fyrir það sem lög leyfa.

Höfundur er lög­giltur end­ur­skoð­andi og hæsta­rétt­ar­lög­maður.