Segir framkomu Play gagnvart launafólki til skammar

Kristján Þórður Snæ­bjarn­ar­son, for­maður Raf­iðn­að­ar­sam­bands Íslands og 1. vara­for­seti Alþýðu­sam­bands Íslands (ASÍ), skýtur fast á flug­fé­lagið Play í stöðu­upp­færslu á Facebook í dag en þar segir hann að fram­koma félags­ins gagn­vart launa­fólki sé til skammar.

[links]Vísar hann í frétt Frétta­blaðs­ins þar sem fram kemur að sam­kvæmt kjara­samn­ingi milli Íslenska flug­stétta­fé­lags­ins og Play varð­andi flug­menn nemi byrj­un­ar­laun flug­manna hjá flug­fé­lag­inu 309 þús­und krónum.

Kristján Þórður bendir á að laun flug­freyja og þjóna verði 266.500 krónur á mán­uði. Þessu til við­bótar sé greitt fyrir akstur og segir hann að 25 þús­und krónum meira fari til flug­manna og spyr hann hvort það sé dýr­ara fyrir flug­menn að keyra til Kefla­víkur en flug­freyjur og þjóna. Inni­falið í þessum tölum sé vakta­á­lag auk þess 15 pró­sent meiri vinnu­skylda en hjá „sam­bæri­legu“ fyr­ir­tæki.

Gagn­rýnir hann Play fyrir að reyna „að halda því fram að kostn­aður vegna akst­urs séu laun en stafs­fólk þarf samt að koma sér sjálft til og frá flug­vell­inum, klár­lega ekki laun“.