Skúli Skúlason eigandi flugfélagsins PLAY segir erlendan aðila munu eiga töluverðan hluta af flugfélaginu í framtíðinni. Þó verði eigendahópurinn að langmestu leyti íslenskur. Þetta kemur fram í ítarlegu viðtali Kjarnans við Skúla og Arnar Má Magnússon, forstjóra flugfélagsins.
[links]Í viðtalinu segir Skúli að þrír hópar fjárfesta muni standa að félaginu, en svo verði öðrum fjárfestum boðið að fylgja með: “Við erum komin langt með að loka viðræðum við einn hóp og erum síðan í viðræðum við nokkra aðra sem gætu verið hugsanlegur þriðji aðili í þessum kjarna.”
Aðspurður hvaðan þessir hópar koma segir Skúli að eigendurnir muni að langmestu leyti verða íslenskir. “Það er erlendur aðili sem er með ágætis hlut samt, en kemur með mikil verðmæti að borðinu fyrir reksturinn og fyrir félagið,” bætir hann við.
[adspot]Skúli fer fyrir hópi fjárfesta sem á félagið FEA ehf, en það félag varð eigandi alls hlutafjár Play í byrjun maí, þegar flugfélagið gat ekki greitt tilbaka brúarlán sem FEA veitti því í fyrravetur.
Í viðtalinu sagði Arnar Már að eigendaskiptin hafi einnig falið í sér stefnubreytingu, þar sem fjármögnunin kæmi nú að öllu leyti frá eigendum félagsins, en ekki frá lántakendum. Flugfélagið hafði áður tryggt sér vilyrði um lán frá breska fjárfestingarsjóðnum Athene Capital í fyrra að andvirði rúmra 5,5 milljarða króna.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
flugfélög
Áratuga sviptingar í flugbransanum
Svíar út um neyðarútganginn
PLAY tapaði næstum þremur milljörðum króna en ætlar ekki í hlutafjáraukningu
Stendur SAS á bjargbrúninni?
Segir framkomu Play gagnvart launafólki til skammar
Athugasemdir