Bjarni „myndi vilja sjá minni kjördæmi út um landið“

Bjarni Bene­dikts­son fjár­mála- og efna­hags­ráð­herra segir að kom­inn sé tími til þess að end­ur­skoða kjör­dæma­skipan og kosn­inga­lög­gjöf í land­inu. Í við­tali við Vísi eftir fund rík­is­stjórn­ar­innar í dag sagði hann fyrir sitt leyti kæmi til greina að fjölga kjör­dæmum í lands­byggð­unum.

„Ég finn til dæmis fyrir því þegar ég fer um landið að fólki finnst kjör­dæmin of stór og ef ég nefni þar að skera lands­byggð­ar­kjör­dæmin upp í tvennt, að tvö­falda fjölda þeirra, þá fellur það mönnum mjög vel í geð. Menn fengju þannig meiri nálægð við sína full­trúa á þingi og það fynd­ist mér alveg koma til greina,“ sagði Bjarni og bætti því við að það mætti spyrja sig hvaða vit væri í því að hafa Reykja­vík í tveimur kjör­dæmum.

Frétta­maður Vísis spurði Bjarna út í þau sjón­ar­mið sem sett hafa verið fram um að fjöldi jöfn­un­ar­þing­sæta verði end­ur­skoð­aður til þess að jafna atkvæða­vægi í land­inu á milli flokka.

Ólafur Þ. Harð­ar­son pró­fessor í stjórn­mála­fræði hefur bent á að misvægi atkvæða á milli flokka, sem hefur verið til staðar allt frá 2009, megi leið­rétta með því að fjölga jöfn­un­ar­sætum með breyt­ingum á kosn­inga­lögum. Hefur pró­fess­or­inn sagt það „Alþingi til skammar að hafa ekki brugð­ist við og fjölgað jöfn­un­ar­sætum strax eftir kosn­ing­arnar 2013“ og höf­uðið verði bitið af skömminni ef Alþingi sam­þykki ekki að ráð­ast í slíkar breyt­ingar fyrir kosn­ingar hausts­ins.

Sagði þessu mál lítið hafa verið rædd

Bjarni sagði í við­tal­inu við Vísi að lítil umræða hefði verið um þessi mál inni á þingi og þau ekki verið til skoð­unar, en þó er það reyndar svo að bæði þing­flokkar Við­reisnar og Pírata hafa lagt fram frum­vörp á yfir­stand­andi lög­gjaf­ar­þingi sem hafa það að mark­miði að jafna vægi atkvæða, ýmist á milli flokka eða lands­hluta.

[adspot]

Bjarni sagði að misvægi atkvæða væri „óheppi­legt“ en hann sagði þó að það væri „engin trygg­ing“ fyrir því að breyt­ingar sem yrðu gerðar núna á fjölda jöfn­un­ar­manna myndu leysa þetta misvægi á milli flokka, margar kosn­ingar fram í tím­ann. Enda væri engin vissa um hve margir flokkar yrðu á þingi eftir kom­andi kosn­ingar.

Þingmenn nær fólkinu

Einnig sagð­ist hann sjálfur sjá fyrir sér tölu­verðar breyt­ingar á kjör­dæma­fyr­ir­komu­lag­inu og þá í þá átt að kjör­dæmin á lands­byggð­inni yrðu fleiri og minni.

„Ég er búinn að mynda mér þá skoðun eftir mörg ár á þingi að þetta kjör­dæma­fyr­ir­komu­lag sem við erum með í dag sé ekk­ert svaka­lega heppi­legt. Það var ágætis breyt­ing á sínum tíma en mér finnst komin tími til að taka það upp til end­ur­skoð­unar og ég myndi vilja sjá minni kjör­dæmi út um landið. Það þýðir ekk­ert endi­lega fleiri þing­menn, og kannski einmitt ekki, sér­stak­lega ekki ef við förum að hreyfa við atkvæða­væg­inu. En það myndi færa þing­menn­ina nær fólk­inu og yrði til góðs að mínu áliti,“ sagði Bjarni við Vísi.