We Guide – tímarit fyrir fagfólk í ferðamennsku

Þegar Covid-19 skall á störf­uðu Davíð Arnar Run­ólfs­son, Elín Esther Magn­ús­dóttir og Kaśka Paluch sem leið­sögu­menn.

Eins og margir aðrir misstu þau vinn­una en von­ast til að geta farið að leið­segja aftur innan skamms. Frekar en að sitja aðgerð­ar­laus þangað til ákváðu þau að sam­eina krafta sína og gefa út veftíma­rit sem er sér­stak­lega ætlað fólki sem starfar í ferða­þjón­ustu á Íslandi.

Elín Esther segir þeim finn­ist öllum mjög gaman að vinna í ferða­þjón­ustu, en þegar gest­irnir voru farnir frá land­inu vegna kór­ónu­veiru­far­ald­urs­ins litu þau ein­fald­lega í eigin barm og hugs­uðu um hvað annað þau gætu gert. „Okkur lang­aði að vera áfram við­loð­andi ferða­þjón­ust­una, en höfum öll líka fyrri starfs­reynslu sem gæti nýst við fjöl­miðla. Hví þá ekki að gera skemmti­legt tíma­rit fyrir þau fjöl­mörgu sem vinna við ferða­þjón­ustu um allt land, en hafa í raun ekki mikla teng­ingu hvort við annað? Við trúum því að gest­irnir muni koma aftur, og okkur langar að taka þátt í að skapa góða stemm­ingu meðal þeirra sem taka á móti þeim.“

[adspot]Davíð segir að þema verk­efn­is­ins sé í raun að efla tengsl milli þeirra sem vinna í fremstu röð í þjón­ustu við ferða­menn, ásamt því að veita þeim upp­lýs­ingar sem gagn­ast þeim í starfi. „Þarna erum við að tala um mörg ólík störf; leið­sögu­menn, bíl­stjóra, hót­el­starfs­fólk, upp­lýs­inga­mið­stöðvar, land­verði, sölu­menn ferða og svo fram­vegis. Við viljum efla tengslin milli þess­ara hópa. Auðvitað er svo stefnan að hafa þetta skemmti­legt líka.“

Kaśka von­ast til þess að fyrir utan að vera gott blað með áhuga­verðum greinum verði We Guide í fram­tíð­inni vett­vangur sem leiði saman starfs­fólk í ferða­þjón­ustu. „Við erum í mörgum stétt­ar­fé­lögum, í mis­mun­andi störfum, en við erum öll að spila á sama velli. We Guide gæti orðið eins konar sam­komu­staður fyrir okkur, bæði á net­inu og utan þess.“

Hægt er að styðja við verk­efnið hér.