Dagur segist standa við Kastljósstilboðið og býður Sólveigu Önnu til fundar

Dagur B. Egg­erts­son, borg­ar­stjóri Reykja­víkur, segir að hann standi „að sjálf­sögðu við allt sem ég sagði í Kast­ljósi á sínum tíma en það er ekki gagn­legt þegar reynt er að að snúa út úr þeim yfir­lýs­ingum eða standa í skeyta­send­ingum í fjöl­miðlum til að leysa kjara­deilur.“

[links]Hann segir að í stað þess að standa í frek­ari skeyta­send­ingum í fjöl­miðlum vilji hann bjóða Sólveigu Önnu Jóns­dóttur, for­manni Eflingar, til fundar til að ræða hina erf­iðu stöðu við­ræðna og hvar ber á milli aðila.

Þetta segir Dagur í stöðu­upp­færslu sem hann birti á Facebook rétt í þessu sem við­bragð við erindi sem samn­inga­nefnd Eflingar sendi honum fyrr í dag og fór fram á svar fyrir klukkan 16. Í við­brögðum Dags seg­ist hann fagna því að Efling opni á að fresta verk­föllum og seg­ist standa við allt sem hann sagði í Kast­ljósi á sínum tíma. „Gott til­boð borg­ar­innar um að hækka laun Efl­ing­ar­fólks hjá borg­inni liggur fyrir, með sér­stakri áherslu á að bæta lægstu laun og kjör kvenna­stétta. Tilboðið er á grunni lífs­kjara­samn­ing­anna, með leng­ingu orlofs og útfærslu á stytt­ingu vinnu­vik­unnar.“

[adspot]Í morgun bauðst Efling til að fresta verk­falls­að­gerðum í tvo sól­ar­hringa gegn því að Dagur veitti skrif­lega stað­fest­ingu á „Kast­ljós­stil­boð­in­u“, en þar var vísað í yfir­lýs­ingar hans í Kast­ljósi 19. febr­úar þar sem hann ræddi um 110 þús­und króna grunn­launa­hækkun á samn­ings­tíma fyrir ófag­lærðan Efl­ing­ar­starfs­mann. „Heild­stætt til­boð í þá veru hefur ekki komið fram á samn­inga­fundum þrátt fyrir athuga­semdir og óskir samn­inga­nefndar Efl­ing­ar,“ sagði í til­kynn­ing­unn­i.