Netsamfélag fyrir norræna sjálfstætt starfandi listamenn

Nordic Association (NAA) er við­skipta­vett­vangur og net­sam­fé­lag fyrir nor­ræna sjálf­stætt starf­andi lista­menn og nor­ræna mynd­list­ar­safn­ara.

Nordic Art Association vinnur með lista­mönnum í að leita leiða til að auka sölu og sýni­leika á lista­verkum jafn­hliða því að auð­velda lista­verka­söfn­urum að finna og kaupa ein­stök lista­verk. Markmið Nordic Art Association er að að gera list­ina aðgengi­lega fyrir alla, þjóna lista­mönn­unum og lista­verka­söfn­unum með því að net­væða sýn­ing­ar­ferli og sölu­ferli lista­verka og auka sýni­leika lista­manna á alþjóð­legum vett­vangi.

[adspot]NAA auð­veldar aðgengi að lista­verkum í gegnum mark­aðs­sölu á net­inu. Hægt er að velja um beina sölu eða upp­boð.. Auk hefð­bund­inna sölu­að­ferða á net­inu nýtir Nordic Art Association einnig auð­kenni (e. Tokenization) og bálkn­keðju­tækni (e. blockchain). Með net­fjár­mögnun verður hægt að selja eða kaupa lista­verk með staf­rænum hætti og þannig fá fjöl­breytt­ari aðgang að lista­verkum.

Kjarninn tók Brand Karlsson, fram­kvæmda­stjóra Nordic Art Association, tali.

Hvernig vakn­aði hug­myndin að verk­efn­inu?

„Ég byrj­aði að mála með munn­inum eftir að ég lam­að­ist fyrir neðan háls­inn af dul­ar­fullum ástæðum. Það var Edda Heiðrún Backman sem opn­aði þann heim fyrir mér og studdi mín fyrstu skref ásamt Derek Mundel lista­kenn­ara.“

Segðu okkur frá þema verk­efn­is­ins?
„Mér fannst það eyði­leggja svo­lítið gleð­ina af því að mála að þurfa að fók­usa á að selja verkin mín. Þannig að þetta verk­efni spratt svo­lítið út frá því að auð­velda og sjálf­virkni væða það allt saman. Mig lang­aði líka að leika mér með hlut­sölu verka í gegnum bálkn­keðju (e. Blockchain) en þegar ég leit­aði þá fann ég ekk­ert sem bauð upp á slíkt. Stuttu seinna stigu örlögin inn og Geoffrey, æsku vinur kærust­unnar minnar kom í heim­sókn. Þegar ég sagði honum frá hug­mynd­inni þá leist honum rosa vel á hana, svo vel að hann seldi húsið sitt í Hollandi og flutti inn til mín, hérna erum við búnir að vinna að þessu síðan.

Hug­myndin hefur þró­ast mikið síðan við byrj­uðum. Við erum búin að hitta marga lista­menn og halda nokkrar vel sóttar kynn­ingar. Við viljum vinna fyrir lista­fólkið, gera þetta sem gagn­leg­ast. Opnunin verður í Iðnó 22.feb. Þar verða alls­konar gjörn­ingar og gott party! Svo í kjöl­farið munu koma reglu­legar upp­færslur og við­bætur.“

Hér er hægt að skoða og styrkja verk­efnið.