Sjónrænt og segulmagnað skipulag fyrir börn með einhverfu

Sjónrænt skipu­lag hefur hjálpað börnum og full­orðnum um allan heim með því að brjóta dag­inn niður í smærri ein­ingar og sýna heild­ar­mynd­ina á skýr­ari hátt. Emoti­blots her­ferðin, sem nú er safnað fyrir á Karolina Fund, gengur út á að kynna nýja hug­mynd af sjón­rænu skipu­lagi til að auð­velda for­eldrum og aðstand­endum lífið. Um ræðir umhverf­is­væna og fal­lega lausn þar sem búldu­leitar fígúrur eru hand­mál­aðar á 100% nátt­úru­lega við­ar­segla.

Zita Major, sem stendur að verk­efn­inu ásamt Peter Garajszki, segir að hug­myndin að því hafi kviknað eftir að átta ára sonur þeirra, Aron, hafi greinst með ein­hverfu. „ Þá runnu á okkur tvær grímur. Fyrstu köstin hans þriggja ára, voru allt í einu ekki lengur vegna afbrýði­semi gagn­vart nýfæddri systur hans, Hönnu. Heldur vegna óör­ygg­is­ins sem því fylgdi eftir að áhersla heim­il­is­ins færð­ist frá honum og hans rútínu. Það eitt getur verið erfið lífs­reynsla fyrir ein­hverf börn. Þá hófst upp­haf Emoti­blots™ skipu­lags­spjald­anna sem ég gerði fyrir hann svo hann fyndi fyrir öryggi og gleði. [adspot]Með spjöld­unum varð dags­skipu­lagið ein­falt. Í dag eru yfir 80 mis­mun­andi spjöld (bæði fyrir til­finn­ingar og skipu­lag) sem hafa hjálpað fleiri en 1000 börnum og gert þeim kleyft að vera ham­ingju­sam­ari og stærri hluti af heild­ar­mynd­inni. Eftir nokkurn tíma reyndum við okkur áfram í end­inga­betri lausn og þá urðu segl­arnir til.“

Zita segir að segl­arnir séu vand­aðir, fal­lega hann­aðir og spari for­eldrum mik­inn tíma. „Segl­arnir eru mun end­ing­ar­betri en spjöldin og geta borist á milli kyn­slóða. For­eldrar barna með ein­hverfu eru ofur­hetjur en allar ofur­hetjur þurfa aðstoð á ein­hverjum tíma­punkti. Okkar mark­mið er að vera þessum meist­urum til aðstoðar í að búa til áreynslu­lausa dag­skrá fyrir börnin svo hægt sé að ein­beita sér að stund­unum sem veita ánægju.“

Hér er hægt að skoða og styrkja verk­efnið.