Ferðalag á mörkum ljóss og myrkurs, í átt til dögunar

Sverrir Guð­jóns­son kontra­tenór gefur út tvær vinyl-hljóm­plötur í sam­starfi við leið­andi íslensk tón­skáld, sem semja fyrir radd­svið Sverris, verk sem hann hefur frum­flutt.

Hvernig vakn­aði hug­myndin að verk­efn­inu?

„Rökk­ur­söngvar/Twilight Songs er verk­efni sem ég hef unnið að á und­an­förnum árum í sam­starfi við leið­andi íslensk tón­skáld, sem hafa samið tón­list fyrir mitt kontra­tenór-radd­svið. Verkið er gefið út á tveimur ‘vinyl’ hljóm­plötum sem mynda ferða­lag á mörkum ljóss og myrk­urs, í átt til dög­unar.

[adspot]Rökk­ur­söngvar eru gefnir út í tak­mörk­uðu, hand­stimpl­uðu upp­lagi, svo­nefndu ‘Collectors’ Item’. Fjöldi hljóð­færa­leik­ara tóku þátt í hljóð­ritun Rökk­ur­söngva, en auk þess hef ég átt náið sam­starf við ljós­mynd­ara verk­efn­is­ins, Jónu Þor­valds­dóttur og hönn­uð­inn, Kristján Frímann Krist­jáns­son. Niðurhal er inni­falið til þess að sem flestir getið notið tón­list­ar­innar.“

Segðu okkur frá þema verk­efn­is­ins?

„Mig lang­aði að vinna með ákveðið heild­ar­þema, og ber hver hlið ákveð­inn titil sem segir sína sögu: I Rökkur; II Nótt; III Maður lif­andi; IV Bæn. Vöggu­vísan „Litfríð og ljós­hærð” á vin­sælli plötu þegar ég var tólf ára, skapar upp­haf og endi þessa ferða­lags.

Til þess að mynd­gera hið tón­list­ar­lega ferða­lag lagði ég upp í leit að ferju­báti, sem fannst við hafið, og myndar miðj­una í list­rænni útfærslu Rökk­ur­söngva. Þetta verk­efni hefur verið í und­ir­bún­ingi á und­an­förnum árum og er nú loks til­búið til útgáfu, og er ég afar þakk­látur öllum þeim sem lagt hafa hönd á plóg­inn.“

Hér er hægt að skoða og taka þátt í söfn­un­inni.