Facebook hyggst koma á fót eigin rafmynt

Stjórn­endur Facebook til­kynntu í morgun að fyr­ir­tækið hefði í huga að koma á fót eigin raf­mynt. Raf­myntin mun bera heitið Libra og mun vera not­endum aðgengi­leg árið 2020.

Hægt verður að nota raf­mynt­ina til að greiða fyrir hluti í dag­legu lífi auk þess verður hægt að nota hana til þess að greiða fyrir hluti eða þjón­ustu á net­inu.

[adspot]Raf­myntin er þróuð í sam­starfi við 27 önnur fyr­ir­tæki, til að mynda Uber og Mastercard. Áhyggjur eru yfir því að Facebook muni auka völd sín yfir not­endum sínum um of og hafa of miklar upp­lýs­ingar um not­endur sína verði raf­myntin að veru­leika, að því er kemur fram í frétt The New York Times.

Facebook stað­hæfir að fjár­hags­upp­lýs­ingar verði ekki not­aðar til þess að sér­sníða aug­lýs­ingar á sam­fé­lags­miðlafor­rit­inu.

Verði Libra að veru­leika verður fjár­mála­kerfi þess ekki stjórnað af seðla­banka. Hægt verður að borga fyrir ýmsa þjón­ustu með raf­mynt­inni, að því er kemur fram í frétt The New York Times. Slíkt geti bætt sam­keppn­is­stöðu Facebook við önnur sam­fé­lags­miðlafor­rit sem bjóða upp á greiðslu­þjón­ustu, líkt og hið kín­verska WeChat.

Nái Libra vin­sældum hjá 2,4 millj­örðum not­endum Facebook, gæti það haft veru­leg áhrif á fjár­mála­kerfi heims­ins. Ýmsir banda­rískir og breskir emb­ætt­is­menn hafa einmitt lýst yfir áhyggjum sínum af slíkri þróun sam­fé­lags­miðl­aris­ans.

Þá kemur fram í frétt­inni að Libra muni vera stjórnað af the Libra Association, sem ekki verði rekið í gróðr­ar­skyni. Libra muni not­ast við svo­kall­aða Blockchain, eða skjala­keðju, líkt og raf­myntin Bitcoin gerir.