Hagnaður samstæðu Arion banka á öðrum ársfjórðungi nam 3,1 millarði króna, samanborið við 7,1 milljarð króna á sama tímabili 2017. Einnig vill bankinn selja kísilverksmiðjuna sína í Helguvík á þessu ári. Þetta kemur fram í nýbirtu ársfjórðungsuppgjöri bankans í Kauphöllinni.
Samkvæmt uppgjörinu lækkar arðsemi eigin fjár niður úr 13% í 5,9% á tímabilinu. Ef litið er á fyrri helming ársins nam hagnaður bankans um 5 milljörðum króna. Eiginfjárhlutfall bankans var 21,9% í lok júní en var 24,0% í árslok 2017.
Þetta er fyrsta uppgjör bankans frá skráningu sinni í Kauphöllina þann 15. júní, en hlutabréf bankans hafa lækkað um tæp fimm prósent síðan þá.
Í uppgjöri sínu minnist bankinn einnig á því að koma Stakksbergi, eignarhaldsfélagi kísilverksmiðjunnar í Helguvík, í söluferli á síðari hluta ársins. Kjarninn hefur áður fjallað um eignarhald bankans á kísilverinu, en kísilframleiðandi versins, United Silicon, fór í gjaldþrot fyrr á þessu ári.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
arion
Ekkert fast í hendi en „samtalið er enn í gangi“
Viðræður standa enn yfir um sölu kísilversins í Helguvík
Stjórnendur Arion banka vona að niðurstaðan verði í „sem mestri sátt við samfélagið“
Arion hefur hagnast um 22 milljarða það sem af er ári
Salan á Valitor hækkar umfram eigið fé Arion banka í 51 milljarð – Ætla að borga það út
Athugasemdir