Guðni Th. Jóhannesson, forseti Íslands, hefur boðað Katrínu Jakobsdóttur, formann Vinstri grænna, á fund sinn á Bessastöðum á morgun, þriðjudag, klukkan 10:30. Þar mun Katrín væntanlega fá formlegt umboð til myndunar ríkisstjórnar.
[links]Líkt og Kjarninn greindi frá fyrr í dag verða flokksstofnanir Sjálfstæðisflokks, Framsóknarflokks og Vinstri grænna verði kallaðar saman á miðvikudag til að bera undir þær stjórnarsáttmála. Ef allar flokksstofnanir flokkanna þriggja samþykkja myndun ríkisstjórnarinnar mun hún verða formlega mynduð annað hvort á fimmtudag eða laugardag. Föstudagurinn 1. desember, fullveldisdagur þjóðarinnar, þykir ekki koma til greina vegna þess að forseti Íslands er ekki viðlátinn til að halda fyrsta ríkisráðsfund nýrrar ríkisstjórnar á þeim degi vegna embættisskyldna.
Fyrsta mál sem hin nýja ríkisstjórn mun leggja fram verða fjárlög og það er ekki hægt að gera fyrr en hún hefur verið formlega mynduð. Auk þess þarf framlagning fjárlaga að ganga í gegnum ákveðinn feril áður en hægt er að leggja þau fram.
[adspot]Því herma heimildir Kjarnans að búist sé við að þing verði ekki kallað saman fyrr en í fyrsta lagi á fimmtudag í næstu viku, eða 7. desember. Það mun einungis ganga eftir ef að ríkisstjórn nýja mun leggja fram fjárlagafrumvarp síðustu ríkisstjórnar með nýjum formála þar sem farið yrði yfir áherslur nýrrar ríkisstjórnar.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
kosningar2017
Stjórnarandstaðan tekur að sér nefndaformennsku
Flokksráð Vinstri grænna búið að samþykkja myndun nýrrar ríkisstjórnar
Ný fjárlög munu verða með mun minni afgangi og fjármálaáætlun verður tekin upp
Fjármagnstekjuskattur verður hækkaður og fæðingarorlof lengt
Stjórnarandstöðunni boðin formennska í þremur nefndum
Athugasemdir