Markaðsvirði Kauphallarinnar eru rúmir 1.000 milljarðar

Sam­an­lagt mark­aðsvirði eigin fjár skráðra fyr­ir­tækja í Kaup­höll­inni voru um 1.058 millj­arðar króna undir lok júní­mán­aðar, þar af 980 millj­arðar á OMX- mark­að­inum.

Bókfært eigið fé félag­anna á OMX-mark­aði frá fyrsta árs­fjórð­ungi 2017 var nokkru lægri en mark­aðsvirði, eða um 450 millj­arðar króna. Mikill munur er á mark­aðsvirði og bók­færðu virði milli félaga, en mun­ur­inn sést á svoköll­uðu P/B- hlut­falli þeirra.

P/B hlut­fallið er notað af fjár­festum til að finna út hvernig félög á mark­aði eru metin. Hæst er hlut­fallið 5,84 hjá Nýherja, en lægst er það 1,11 hjá Símanum. Ef hlut­fallið er mjög lágt gæti það bent til þess að félagið sé annað hvort und­ir­verð­lagt eða þá að það eigi í und­ir­liggj­andi rekstr­ar­erf­ið­leikum. Hafa ber þó í huga að ekki er hægt að að bera saman P/B- hlut­föll milli mis­mun­andi fyr­ir­tækja þar sem ásætt­an­legt skulda­hlut­fall er breyti­legt eftir rekstr­ar­um­hverfi.

[adspot]Stærstu fyr­ir­tækin í Kaup­höll­inni eru Marel og Össur, en sam­an­lagt mark­aðsvirði þeirra er um 44% af virði OMX-mark­að­ar­ins. Með­fylgj­andi er tafla þar sem bók­fært eigið fé fyr­ir­tækj­anna er sett upp ásamt mark­aðsvirði þeirra.

Markaðsvirði og bókfært eigið fé fyrirtækja á OMX-markaði í Kauphöllinni

Hræringar á markaði

[links]Nokkrar hrær­ingar hafa verið á mark­aðnum und­an­farna daga, en Kjarninn greindi frá því í að hluta­bréfa­vísi­talan lækk­aði um 1,5% í gær. Lækk­un­ina hefði mátt skýra með auknum erlendum fjár­fest­ingum líf­eyr­is­sjóð­ina, en þeir eru stærstu eig­endur allra fyr­ir­tækj­anna.

Samhliða minnk­andi eign­ar­hluti líf­eyr­is­sjóða í fyr­ir­tækj­unum hafa aflandskrónu­eig­endur verið að bæta við eign­ar­hlut sinn í mörgum félögum, en þeir eru nú komnir í hóp stærstu eig­enda margra fyr­ir­tækj­anna.