Öll félögin sem skráð eru í kauphöll Íslands hafa fallið í verði í dag, en meðaltalslækkun hlutabréfavísitölunnar nemur nú 1,5 prósent. Mesta lækkunin hefur verið á hlutabréfum í Högum en hún nemur 2,5 prósent.
Öll félögin hafa lækkað, og flest á bilinu 0,5 til 1,7 prósent.
Mesta velta hefur verið með bréf Icelandair, eða 194 milljónir, en gengi þess hefur lækkað um 1,7 prósent í dag.
Markaðsvirði Haga er nú 50,3 milljarðar króna og hefur lækkað um meira en 10,5 milljarða króna á undanförnum fimm vikum, en á sama tíma hefur vísitala markaðarins hækkað.
Samkvæmt heimildum Kjarnans hafa margir lífeyrissjóða landsins, sem eru stærstu fjárfestarnir á íslenskum hlutabréfamarkaði, verið að auka við fjárfestingar sínar erlendis að undanförnu. Það getur leitt til þess að eftirspurn eftir hlutabréfum á Íslandi minnkar, en sveiflur á markaðnum hafa verið þónokkrar að undanförnu.
[adspot]
Í síðustu birtu hagtölum Seðlabanka Íslands, frá því í apríl, má sjá að erlend eign lífeyrissjóðanna nemur 789 milljörðum, en heildareignir lífeyrissjóðanna nema ríflega 3.300 milljörðum króna.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir