Treysta Bjarna til að gegna embætti forsætisráðherra þrátt fyrir „ámælisverð“ vinnubrögð

Tveir af sjö þing­mönnum Við­reisnar hafa svarað fyr­ir­spurn Stund­ar­innar þar sem óskað er eftir afstöðu þeirra til ákvörð­unar Bjarna Bene­dikts­sonar, for­sæt­is­ráð­herra og fyrrum fjár­mála­ráð­herra, um að fresta birt­ingu skýrslu um eignir Íslend­inga á aflands­svæðum fram yfir þing­kosn­ingar.

Pawel Bartoszek telur að með­höndlun Bjarna á skýrsl­unni sé „ámæl­is­verð“ og að það sé ekki í lagi að ráð­herr­ann hafi ekki greint rétt frá í við­tali um málið. Þrátt fyrir þetta sé Bjarna treystandi til að vera í for­svari fyrir nýja rík­is­stjórn. Jón Steindór Valdi­mars­son vill að fólk og ráð­herrar segi satt og bendir á að Viðreisn hafi það að mark­miði að ástunda góða stjórn­sýslu­hætti og vönduð vinnu­brögð.

Eins og Stundin greindi frá í vik­unni fjallar skýrsla starfs­hóps um aflandseignir Íslend­inga með gagn­rýnum hætti um þá stefnu sem rekin var á sviði skatta­lög­gjafar og skatta­eft­ir­lits á útrás­ar­ár­unum þegar Sjálf­stæð­is­flokk­ur­inn fór með fjár­mála­ráðu­neytið.

Bjarni Bene­dikts­son, þá fjár­mála- og efna­hags­ráð­herra, full­yrti rang­lega í við­tali við RÚV síð­ustu helgi að skýrsl­unni hefði ekki verið skilað í ráðu­neyti sitt fyrr en eftir þing­slit í októ­ber, en hið rétta er að skýrslan barst ráðu­neyt­inu þann 13. sept­em­ber. Hann hefur nú við­ur­kennt að hafa ákveðið að birta hvorki almenn­ingi né Alþingi skýrsl­una, enda hafi hann ekki viljað að efni hennar yrði „sett í kosn­inga­sam­hengi“. 

Stundin sendi öllum þing­mönnum Við­reisnar og Bjartrar fram­tíðar fyr­ir­spurn á mánu­dag­inn og óskaði eftir afstöðu þeirra til máls­ins, þ.e. hvort ákvörðun, vinnu­brögð og skýr­ingar Bjarna stand­ist kröfur þeirra um gott stjórn­mála­sið­ferði og vand­aða stjórn­sýslu­hætti. Þá óskaði Stundin eftir afstöðu þing­mann­anna til aðkomu Bjarna að ákvörð­unum um kaup skatt­rann­sókn­ar­stjóra á gögnum sem höfðu meðal ann­ars að geyma aflands­fé­lag sem Bjarni átti sjálfur hlut í. 

Aðeins fjórir þing­menn hafa svarað fyr­ir­spurn Stund­ar­innar, þar af Pawel Bartoszek og Jón Steindór Valdi­mars­son, þing­menn Við­reisnar. Báðir telja að ný rík­is­stjórn muni, þrátt fyrir vinnu­brögð Bjarna Bene­dikts­sonar sem nú verður for­sæt­is­ráð­herra, geta aukið traust og til­trú almenn­ings á íslenskum stjórn­málum. 

Spurningar Stundarinnar:

1. Telurðu að það sam­rým­ist góðum stjórn­sýslu­háttum og stjórn­mála­sið­ferði að ráð­herra eigi beina aðkomu að ákvörð­unum um kaup skatt­rann­sókn­ar­stjóra á gögnum sem hafa að geyma upp­lýs­ingar um hans eigin aflands­fé­lag?

Mynd: Pressphotos

2. Finnst þér rétt­læt­an­legt að ráð­herra, sem sjálfur hefur geymt pen­inga í aflands­fé­lagi, ákveði að fresta birt­ingu á skýrslu um umfang aflandseigna Íslend­inga fram yfir þing­kosn­ingar sem var efnt sér­stak­lega til vegna afhjúpana á aflands­starf­semi? 

3. Finnst þér í lagi að ráð­herra segi almenn­ingi ósatt um málið? 

4. Sé svarið við ein­hverri af þessum spurn­ingum nei, hvers vegna finnst þér þá rétt­læt­an­legt að þinn flokkur taki þátt í að gera við­kom­andi stjórn­mála­mann að for­sæt­is­ráð­herra? 

5. Hvers vegna tel­urðu að rík­is­stjórn undir for­sæti þessa stjórn­mála­manns geti, í sam­ræmi við mark­mið þíns eigin flokks, aukið traust og til­trú almenn­ings á íslenskum stjórn­málum og unnið að almanna­hags­munum í stað sér­hags­muna?

Pawel Bartoszek svaraði:

Sæll og takk fyrir fyr­ir­spurn­ina,

Svo ég setji mig ekki á hærri sið­ferð­is­st­all en ég á skilið þá sagði ég mig ekki úr Sjálf­stæð­is­flokknum vegna Pan­ana­lek­ans, heldur vegna hug­mynda­fræði­legs ágrein­ings um nokkur lyk­il­mál. Né hef ég viljað úti­loka sam­starf við Sjálf­stæð­is­flokk­inn.  Að því má, rétti­lega, draga þá ályktun að mér finnst aðkoma Bjarna Bene­dikts­sonar að þeim málum ekki með þeim hætti að ég vilji úti­loka sam­starf við hann.