Sveinn Andri Sveins­son lög­maður fer mik­inn á Facebook-síðu Elliða Vign­is­sonar bæj­ar­stjóra í Vest­manna­eyjum í dag. Tilefnið er grein Elliða til varnar Illuga Gunn­ars­syni mennta­mála­ráð­herra í Orku Energy mál­inu svo­kall­aða. Elliði seg­ist ekki hafa ætlað að tjá sig um málið en hann hafi síðan ekki stað­ist mátið. Sveinn Andri seg­ist sömu­leiðis ekki stand­ast mátið og bendir Elliða á nokkur atriði sem ekki stand­ast í grein­inni. 

Fyrsta atriðið sem Sveinn Andri nefnir er full­yrð­ing Elliða um að Illugi Gunn­ars­son hafi unnið hjá Orku Energy þegar hann tók sér orlof frá þing­mennsku. Sveinn Andri bendir á að fyr­ir­tækið Orka Energy var stofnað ein­ungis mán­uði áður en Illugi tók aftur sæti á Alþingi, í byrjun októ­ber 2011. Hann hafi þannig verið í vinnu hjá fyr­ir­tæk­inu í einn mánuð og fékk 5,6 millj­ónir króna fyrir þann mánuð. Ítarlega var fjallað um þetta atriði á Stund­inni í gær.

„Per­sónu­lega myndi ég heldur ráða Illuga fyrir 5 millj­ónir en þig fyrir 500 þús­und,“ svarar Elliði meðal ann­ars. „Þú ert greini­lega rök­þrota. Þessi rök hefðu hugs­an­lega hrifið í ræðu­keppni hjá JC Vest­manna­eyjum. Ekki vera lúði gæskur,“ svarar Sveinn Andri. 

„Per­sónu­lega myndi ég heldur ráða Illuga fyrir 5 millj­ónir en þig fyrir 500 þús­und.“

Forstjóri Marel „smyglaði sér með“

Elliði segir í pistli sínum að í Kína­heim­sókn­inni marg­um­töl­uðu hafi meðal ann­ars verið níu manns í svo­kall­aðri „Business delegation“, ýmist full­trúar frá Marel eða Orku Energy, en bæði fyr­ir­tæki hafi hags­muna að gæta í Kína. Sveinn Andri bendir aftur á móti á að ferðin hafi ekki verið nein „business delegation“, heldur hafi þetta verið skipu­lagt í kringum Orku Energy. „For­stjóri Marel frétti af ferð­inni og smyglaði sér með,“ skrifar Sveinn Andri. 

Þessari leið­rétt­ingu lætur Elliði ósvarað.

Furðulegur siðferðismælikvarði

Elliði segir lítið hafa farið fyrir yfir­lýs­ingu frétta­stofu RÚV þegar frétta­stofa baðst afsök­unar á því að hafa full­yrt að Illugi hafi fengið lán frá Orku Energy. „Ætli þetta dugi til að leið­rétta skað­ann af slíkri full­yrð­ingu hjá þeirri frétta­stofu hér á landi sem nýtur mests traust lands­manna?“ spyr Elliði meðal ann­ars í grein sinni. 

Sveinn Andri vitnar aftur á móti í Illuga Gunn­ars­son sjálfan sem sagði í sjón­varps­fréttum Stöðvar 2 að ekki hafi verið um lán að ræða frá Orku Energy heldur fyr­ir­fram­greidd laun. „Ef þú færð fyr­ir­fram­greidd laun hjá Vest­manna­eyjabæ, þá er það lán til þín frá Vest­manna­eyjabæ, sem þú greiðir til baka með vinnu­fram­lagi. Nema það sé búið að reka þig í milli­tíð­inni. Þá þarftu að end­ur­greiða í pen­ingum.“

„..og ef það ger­ist þá er það nátt­úr­lega eðli­leg­ast að ég segi af mér sem bæj­ar­stjóri. Ja.. hár (og furðu­legur) er þinn sið­ferð­is­mæli­kvarði - amk. þegar þú mælir aðra,“ svarar Elliði. 

„Af hverju þarftu að fara í þessa útúr­snún­inga og stæla? Er mál­staður þinn virki­lega ekki betri? Fyr­ir­fram­greidd laun eru lán vinnu­veit­anda til laun­þega sem eru end­ur­greidd með vinnu­fram­lagi. Það er ein­fald­lega stað­reynd, en ekki spurn­ing um sið­ferði, sama hvað þú reynir að svara því með stælum,“ segir Sveinn Andri. 

Maður á ekki að vera með stæla

Í grein sinni segir Elliði það nú svo komið að stað­reyndir máls­ins skipti orðið litlu. Sveinn Andri bendir aftur á móti á að stað­reyndir máls­ins séu hér mjög á reiki, ekki síst vegna þess að Illugi Gunn­ars­son hefur verið missaga. „Ýmist eru greiðsl­urnar frá OE fyr­ir­fram­greidd laun greidd eftir á eða eftir á laun greidd fyr­ir­fram,“ segir hann. 

Elliði segir rök Sveins Andra pín­leg. „Ég held að þú -stjörnu­lög­mað­ur­inn sjálfur- hljótir að tjalda til ein­hverju lög­broti til að styðja kröfu um afsögn. Ef ekki þá verð ég fyrir miklum von­brigðum með þig og sparða­tín­ing­inn þinn.“

„Þú mátt alveg skíta mig út eins og þú vilt. En get your facts straight.“

„Ekki pín­legt hjá mér,“ svarar Sveinn Andri. „Bara pín­legt hjá þér að ryðj­ast á rit­völl­inn í þessu máli til stuðn­ings flokks­fé­laga þínum, sem er ágætt, en vera svo ekki með stað­reynd­irnar betur á hreinu. Þú mátt alveg skíta mig út eins og þú vilt. En get your facts straight.“

„Ok, alveg rétt hjá þér. Maður á ekki að vera með stæla. Sorrý aftur,“ segir Elliði