„Þetta þýðir að þetta megi ekki koma fyrir augu almenn­ings,“ segir Vil­hjálmur Birg­is­son, for­maður Verka­lýðs­fé­lags Akraness, aðspurður um kjara­samn­ing Íslenskra atvinnu­flug­manna og Samtaka atvinnu­lífs­ins vegna flug­manna Icelandair. Samn­ing­ur­inn var gerður í des­em­ber síð­ast­liðnum og felur í sér launa­hækkun upp á rúm­lega 300 þús­und til þriggja ára. Launa­hækk­unin hjá flug­stjór­unum nemur 23,5 pró­sentum að sögn Vil­hjálms sem birti samn­ing­inn á heima­síðu verka­lýðs­fé­lags­ins á þriðju­dag­inn. 

Vil­hjálmur er spurður út í orða­lagið „Geymist hjá aðilum“ sem er að finna á tveimur síð­ustu blað­síðum samn­ings­ins á sér­stökum við­auka og svarar hann því til að hann túlki þessi orð sem svo að halda ætti samn­ingnum leyndum. „Geymist hjá aðilum þýðir bara að það mátti engin vita af þessu nema aðilar máls­ins.“ Samn­ing­ur­inn hefur nú þegar haft nokkur áhrif á kjar­aum­ræðu síð­ustu daga og kann að hafa skapað hærra launa­við­mið fyrir kjara­bar­áttu ann­arra stétta en flug­manna. Viðauki samn­ings­ins var ein­göngu und­ir­rit­aður af full­trúum félags íslenskra atvinnu­flug­manna og full­trúum Icelandair en ekki neinum full­trúa frá Samtökum atvinnu­lífs­ins.  

Icelandair er að stærstu leyti í eigu íslenskra líf­eyr­is­sjóða og þar með sjóðs­fé­laga þeirra. Eign­ar­hald flug­fé­lags­ins skiptir máli í umræð­unni um leyni­samn­ing­inn þar sem fyr­ir­tækið er á end­anum að stærstu leyti í eigu almenn­ings í gegnum líf­eyr­is­sjóð­ina. Þarna er því um að ræða að fyr­ir­tæki sem er í opin­berri eigu í gegnum líf­eyr­is­sjóði laun­þega hefur leynt kjara­samn­ingi sem getur haft mót­andi áhrif á kjara­bar­áttu ann­arra stétta í land­inu og þar af leið­andi komið sér illa fyrir Samtök atvinnu­lífs­ins.