Ósáttir við heimsóknir Jóns Ásgeirs á Kvíabryggju

Jón Ásgeir Jóhann­es­son athafna­maður hefur tví­vegis lagt leið sína á Kvía­bryggju og átt fundi með fyrr­ver­andi stjórn­endum og eig­endum Kaup­þings sem þar afplána. Hæsti­réttur Íslands dæmdi þá Hreiðar Má Sig­urðs­son, Sigurð Ein­ars­son, Ólaf Ólafsson og Magnús Guð­munds­son í fang­elsi fyrir aðild sína að Al-Thani mál­inu svo­kall­aða í febr­úar en Jón Ásgeir er á meðal sak­born­inga í svo­nefndu Aurum-máli. Eins og frægt er orðið var sýknu­dómur í Aurum-mál­inu ómerktur í Hæsta­rétti vegna van­hæfis með­dóm­anda, Sverris Ólafs­sonar, sem er bróðir Ólafs. 

Fangar sem Stundin hefur rætt við stað­festa að Jón Ásgeir hafi komið ásamt einka­bíl­stjóra sínum og fundað með Kaup­þings­mönnum á Kvía­bryggju. Hlaupið hafi urgur í aðra vist­menn, enda sé föngum oft meinað um að fá heim­sóknir manna sem sæta ákæru eða bíða dóms. Vistmenn á Kvía­bryggju upp­lifðu heim­sókn Jóns Ásgeirs sem mis­munun og var Afstöðu, félagi fanga, gert við­vart um málið. 

Allir sitji við sama borð

„Ég get alveg stað­fest það. Við ræddum þetta bæði við fang­els­is­mála­stjóra og for­stöðu­mann Kvía­bryggju og und­ir­strik­uðum þá afstöðu okkar að allir yrðu að sitja við sama borð og engin mis­munun mætti eiga sér stað,“ segir Guð­mundur Ingi Þór­odds­son, for­maður Afstöðu, í sam­tali við Stundina. „Við