Ástæða þess að Sigurður Ingi Þórð­ar­son, dæmdur barn­a­níð­ingur, gengur laus með ökkla­band, er að reglur varð­andi raf­rænt eft­ir­lit voru rýmkaðar mikið í mars á þessu ári.

Lögin um raf­rænt eft­ir­lit náðu upp­haf­lega aðeins til þeirra fanga sem dæmdir höfðu verið í 12 mán­aða óskil­orðs­bundið fang­elsi. Það var því aðeins í boði fyrir ein­stak­linga sem höfðu framið smærri brot. Í mars var lög­unum hins­vegar breytt tölu­vert, þannig þau næðu einnig til aðila sem hefðu verið dæmdir til lengri vist­unar. Eftir breyt­ing­arnar var sá tími sem fangar geta verið á raf­rænu eft­ir­liti lengdur um helm­ing, með þeim afleið­ingum að þeir losna fyrr úr fang­elsi.

Laga­breyt­ingin var umdeild og urðu miklar umræður til þegar í ljós kom að þeir fyrstu sem nutu góðs af henni voru fyrrum stjórn­endur Kaup­þings, þeir Sigurður Ein­ars­son ogMagnús Guð­munds­son, og fjár­festir­inn Ólafur Ólafsson.