Náttúrupassi, ívilnanir og aðstoðarmenn í kosningaham

Tals­verðrar óánægju gætir meðal áhrifa­fólks og trún­að­ar­manna Sjálf­stæð­is­flokks­ins í Suð­ur­kjör­dæmi vegna emb­ætt­is­verka Ragn­heiðar Elínar Árna­dóttur, iðn­aðar- og við­skipta­ráð­herra, á yfir­stand­andi kjör­tíma­bili. Ragn­heiður sæk­ist eftir end­ur­kjöri sem odd­viti kjör­dæm­is­ins og hafa aðstoð­ar­menn hennar komið að kynn­ingu og und­ir­bún­ingi próf­kjörs­bar­átt­unnar. Þetta leggst illa í sjálf­stæð­is­menn sem Stundin hefur rætt við. „Það á ekki hvaða fram­bjóð­andi sem er kost á að ráða til sín kosn­inga­stjóra á kostnað rík­is­ins,“ segir einn af við­mæl­endum blaðs­ins. 

Ragn­heiður Elín var framan af með einn aðstoð­ar­mann en skömmu eftir að ljóst varð að kosn­ingar yrðu haldnar að hausti réði hún sér annan, Evu Magn­ús­dóttur, sem hóf störf 2. júní síð­ast­lið­inn, sama dag og síð­asti þing­fundur fyrir sum­ar­frí fór fram. Mörgum flokks­fé­lögum Ragn­heiðar Elínar finnst ráðn­ing nýs aðstoð­ar­manns svo stuttu fyrir kosn­ingar á gráu svæði. Ekki síst vegna þess að dæmi eru um að aðstoð­ar­menn­irnir hafi í sumar staðið í kynn­ing­ar­málum fyrir próf­kjör ráð­herr­ans, meðal ann­ars á lok­uðum en fjöl­mennum Facebook-hópi trún­að­ar­manna Sjálf­stæð­is­flokks­ins í kjör­dæm­inu.