Töframaður lofar stórkostlegu þyngdartapi

Jón Víðis Jak­obs­son, töfra­maður að eigin sögn, lofar stór­kost­legum árangri í þyngd­ar­tapi með svo­kall­aðri „sýnd­ar­maga­bands­að­gerð“ sem kostar 50 til 60 þús­und krónur.

Í sam­tali við Stundina þver­tekur hann fyrir að um sé að ræða kukl. „Það fer ekk­ert fram annað en dáleiðsla svo fólk heldur ekki að það sé að fara í neina aðgerð. Þetta er dáleiðsla og það sem þetta gerir er að hjálpa þér að borða minna,“ segir Jón Víðis. Hann neitar því að maginn minnki við dáleiðsl­una. Svanur Sig­ur­björns­son lyf­læknir segir í sam­tali við Stundina ekki vita til þess að nein rann­sókn hafi sýnt fram á virkni dáleiðslu.

Kostuð umfjöllun í Fréttablaðinu

„Maga­bands­dá­leiðsla er sýnd­ar­að­gerð. Fólk er dáleitt til þess að hætta að borða þegar það er búið að fá nóg. Venjuleg maga­bands­að­gerð er skurð­að­gerð sem er gerð til þess að fólk borði minna. Í sýnd­ar­maga­bands­að­gerð er dáleiðslan notuð til að ná sama árangri …