Hærra veiðigjald á stærstu útgerðirnar gæti skilað ríkissjóði tveimur milljörðum til viðbótar

Ætla má að 50 pró­senta hækkun á veiði­gjöldum þeirra útgerða sem hafa yfir meira en 4 þús­und þorskígildistonnum að ráða gæti skilað rík­is­sjóði um tveimur millj­örðum til við­bótar við þær tekjur sem nú er aflað miðað við fisk­veiði­árið 2016/2017.

Þetta kemur fram í svari Þor­gerðar Katrínar Gunn­ars­dóttur, sjáv­ar­út­vegs- og land­bún­að­ar­ráð­herra, við fyr­ir­spurn Oddnýjar G. Harð­ar­dóttur þing­konu Sam­fylk­ing­ar­innar. 

Oddný spurði hverjar tekjur rík­is­sjóðs yrðu ef sett yrði stærð­ar­á­lag á veiði­gjald eins og það er sam­kvæmt gild­andi lögum og það hækkað um 50% frá og með 4.000 tonnum þorskígildis. Í svari ráðu­neyt­is­ins kemur fram að veiði­gjald á yfir­stand­andi fisk­veiði­ári sé áætlað um 6,1 millj­arður en 5,1 að frá­dregnum frí­tekju­af­slætti og skulda­af­slætti. Álagn­ingin sem Oddný nefnir myndi leggj­ast á um 22 fyr­ir­tæki af þeim rúm­lega 1000 sem nú greiða veiði­gjald. 

„Áætlað álagt veiði­gjald á yfir­stand­andi fisk­veiði­ári er eins og áður sagði um 6.100 millj. kr. brúttó. Ef 75% af því …