„Gera ráð fyrir að sjúkrahúsin á landinu skeri niður um tæpa 5,2 milljarða“

Samkvæmt fjár­mála­á­ætlun rík­is­stjórn­ar­innar þurfa sjúkra­hús á Íslandi að skera niður í rekstri um tæpa 5,2 millj­arða á næstu fimm árum til að skapa svig­rúm til nýrra verk­efna. Þetta kom fram í ræðu Maríu Heim­is­dóttur, fram­kvæmda­stjóra fjár­mála­sviðs Land­spít­al­ans, á árs­fundi spít­al­ans í gær. Hún sagð­ist vona að stjórn­völd hefðu ein­fald­lega rugl­ast þegar unnið var að fjár­mála­á­ætl­un­inni og benti á að í umfjöllun áætl­un­ar­innar um heil­brigðis­út­gjöld á Norð­ur­lönd­unum væri miðað við allt aðrar tölur en almennt tíðkast í slíkum sam­an­burði. Í ljósi lof­orða sem gefin hefðu verið um efl­ingu heil­brigð­is­kerf­is­ins mætti draga þá ályktun að hið und­ar­lega val á við­mið­un­ar­tölum hefði ein­fald­lega truflað vinnslu áætl­un­ar­innar. 

„Tillaga stjórn­valda virð­ist því gera ráð fyrir að sjúkra­húsin á land­inu skeri niður um tæpa 5,2 millj­arða á tíma­bil­inu til að skapa svig­rúm fyrir það sem kallað er aukin fram­lög til nýrra verk­efna,“ sagði María eftir að hafa rakið hvernig útgjald­ara­mmi fjár­mála­á­ætl­un­ar­innar virð­ist fela í sér kröfu um mikla hag­ræð­ingu í rekstri sjúkra­húsa lands­ins næstu árin. 

Páll Matth­í­as­son, for­stjóri Land­spít­al­ans, flutti ávarp á árs­fund­inum og gagn­rýndi stefnu stjórn­valda á sviði heil­brigð­is­mála. „Ég vil vera alveg heið­ar­legur við ykkur og segi því að ég eig­in­lega skil bara ekk­ert í þessu. Hvernig má það vera að vel mein­andi stjórn­völd neiti að horfa á blá­kaldar stað­reyndir sem við súmmerum upp með gagna­öflun og upp­lýs­inga­gjöf. Hvað erum við að gera vit­laust? Hvernig má þetta vera, þegar það gengur svona vel á Íslandi?“ sagði hann.

Í ræðu sinni benti María Heim­is­dóttir á að sam­kvæmt útgjald­ara­mma sjúkra­hús­þjón­ustu væri gert ráð fyrir heild­ar­aukn­ingu upp á tæpa 45 millj­arða á næstu fimm árum. „Ekki er mögu­legt að greina nema að litlu leyti hvaða hlutur fjár­fram­laga til sjúkra­hús­þjón­ustu er ætl­aður Land­spít­ala þannig að okkar grein­ing mið­ast við að Land­spít­ala séu ætluð öll við­bót­ar­fjár­fram­lög nema annað sé sér­stak­lega tekið fram. Þessi grein­ing sýnir því eins jákvæða mynd af fjár­fram­lögum til Land­spít­ala og unnt er út frá til­lögu stjórn­valda,“ sagði hún.