Benedikt segir ráðherra ekki hafa áhuga á aukinni þróunaraðstoð

Þró­un­ar­að­stoð er ekki „áhuga­mál“ allra ráð­herra í rík­is­stjórn Íslands. Benedikt Jóhann­es­son, fjár­mála- og efna­hags­ráð­herra, greindi frá þessu á opnum fundi Við­reisnar í kvöld. 

Eins og Stundin hefur áður greint frá gerir fjár­mála­á­ætlun rík­is­stjórn­ar­innar ráð fyrir að Ísland verði áfram undir með­al­tali OECD-ríkja og langt undir með­al­tali Norð­ur­land­anna hvað varðar fram­lög til þró­un­ar­sam­vinnu sem hlut­fall af vergum þjóð­ar­tekjum næstu fimm ári. Var fjár­mála­ráð­herra gagn­rýndur fyrir þetta á fundi Við­reisnar í dag og spurður hvort ekki mætti gera betur. 

„Jújú, auð­vitað er hægt að gera betur á þessu sviði en þá þurfum við að taka pen­ing­ana ein­hvers staðar ann­ars staðar og það er bara ákvörðun sem þarf að taka,“ svar­aði Benedikt. „Þetta er áhuga­mál margra í rík­is­stjórn­inni að auka þetta en kannski ekki alveg allra.“

„Þetta er áhuga­mál margra í rík­is­stjórn­inni að auka þetta en kannski ekki alveg allra“

Árið 2013 náð­ist þverpóli­tísk sátt um aukin fram­lög til þró­un­ar­sam­vinnu á Alþingi. 39 þing­menn úr öllum flokkum sam­þykktu þings­á­lyktun þar sem mörkuð var sú stefna að árið 2019 rynnu 0,7% af vergum þjóð­ar­tekjum Íslend­inga til þró­un­ar­mála. Þetta eru hátt í þrefalt hærri fram­lög en núver­andi rík­is­stjórn vill verja til mála­flokks­ins árið 2019 og allt til árs­ins 2022.

Mynd: Ættartre Bjarna Ben

Framlög Íslend­inga til þró­un­ar­sam­vinnu nema 0,25% af vergum þjóð­ar­tekjum á þessu ári og sam­kvæmt áætl­unin fjár­mála­ráð­herra munu þau nema 0,26% út áætl­un­ar­tíma­bil fjár­mála­á­ætl­un­ar­innar. 

Ragnar Schram, fram­kvæmda­stjórir SOS Barna­þorp­anna á Íslandi, skil­aði fjár­laga­nefnd Alþingis umsögn um fjár­mála­á­ætl­un­ina í dag. Þar harmar hann stefnu rík­is­stjórn­ar­innar hvað varðar fram­lög til þró­un­ar­mála.

„Í ljósi þess að Ísland hefur stutt mark­mið Sam­ein­uðu þjóð­anna í áraraðir um að iðn­ríki skuli veita sem nemur 0,7% af vergum þjóð­ar­tekjum í þró­un­ar­sam­vinnu verður að segja að umrædd mark­mið um 0,26% eru allt of lág og lýsa ákveð­inni sjálfselsku þjóðar sem hefur nóg til alls,“ skrifar Ragnar.

„Lýsa ákveð­inni sjálfselsku
þjóðar sem hefur nóg til alls“

Þá gerir hann athuga­semd við þá aðferða­fræði rík­is­stjórn­ar­innar að setja þró­un­ar­sam­vinnu ann­ars vegar og mót­töku flótta­manna og hæl­is­leit­enda hins vegar undir sama hatt í fjár­mála­á­ætl­un­inni. Með þessu sé verið að „klípa af þró­un­ar­lönd­unum það sem þau ættu að fá sam­kvæmt ákvörð­unum stjórn­valda“.