At­vinnu­vega­nefnd Alþingis hefur bætt ákvæði um nið­ur­fell­ingu rík­is­styrkja vegna dýra­níðs inn í frum­varpið um búvöru­samn­ing­ana. Þessi breyt­ing var gerð í hádeg­inu í dag en margir lýstu óánægju þegar Stundin greindi frá því í gær að breyt­ing­ar­til­laga um að heim­ilt yrði að fella niður stuðn­ings­greiðslur til þeirra sem brjóta „gróf­lega eða ítrekað gegn ákvæðum laga um vel­ferð dýra“ hefði verið felld af 26 þing­mönnum Fram­sókn­ar­flokks­ins og Sjálf­stæð­is­flokks­ins.

Mbl.is segir frá því að ákveðið hafi verið að bæta inn ákvæði gegn dýra­níði þegar frum­varpið var afgreitt úr atvinnu­vega­nefnd í hádeg­inu í dag. Gert er ráð fyrir að málið fari til þriðju umræðu og afgreiðslu þings­ins í næstu viku. „Við bæt­um við þeirri heim­ild Mat­væla­stofn­unn­ar að svipta menn fram­lög­um ef um er að ræða illa með­ferð á dýr­um og svipt­ingu leyfa á þeim grunni. Þannig að það er komið inn í lög,“ er haft eftir JóniG­unn­ars­syni, for­manni atvinnu­vega­nefndar.

Sam­fylk­ingin deilir frétt­inni á Twitter og skrifar: „Þrýst­ingur hefur stundum áhrif! Meiri­hluti atvinnu­vega­nefndar hlust­aði á okkur og tók inn dýra­vernd­un­ar­á­kvæðið.“