Ólína Kjerúlf Þor­varð­ar­dóttir, settur rektor Háskól­ans á Bifröst, þáði sam­kvæmt gögnum sem Heim­ildin hefur undir höndum 3,4 millj­ónir í verk­taka­greiðslur frá háskól­anum í gegnum eign­ar­halds­fé­lag sitt Lausn­a­stein ehf. fyrir kennslu árið 2023 þegar hún var deild­ar­for­seti félags­vís­inda­deildar.

Ólína segir við Heim­ild­ina að greiðsl­urnar hafi hún fengið vegna kennslu vet­ur­inn 2022-23 sem hún hafði skuld­bundið sig í áður en hún varð fast­ráðin við skól­ann. Hún segir enn fremur að ein­stak­lingar hafi verið gerðir tor­tryggi­legir vegna við­skipta sinna við háskól­ann, þrátt fyrir að háskól­inn sjálfur hafi komið fyr­ir­komu­lag­inu á. 

Sinnti kennslu og þáði verktakagreiðslur

„Þetta var verk­lag sem var við­haft við Háskól­ann á Bifröst þangað til síð­ast­liðið haust. Allir stunda­kenn­arar við skól­ann voru verk­takar og stór hluti þeirra tók greiðslur í gegnum fyr­ir­tæki,“ segir Ólína Kjerúlf og bætir við að greiðsl­urnar hafi mið­ast við gjald­skrá skól­ans á hverjum tíma fyrir sig. 

Hún skýrir að hún hafi byrjað við Háskól­ann á Bifröst sem …