Frumgjöld verða 35 milljörðum hærri á næsta ári heldur en fyrri ríkisstjórn stefndi að

Samkvæmt fjár­mála­á­ætlun Bjarna Bene­dikts­sonar verða frum­gjöld rík­is­ins, þ.e. heild­ar­gjöld að frá­dregnum vaxta­gjöldum, um 35 millj­örðum hærri árið 2019 á verð­lagi þess árs heldur en gert var ráð fyrir í fjár­mála­á­ætlun fyrri rík­is­stjórnar. 

Þessi mis­munur er fyrst og fremst dekk­aður með svig­rúm­inu sem skap­ast vegna þess að vaxta­kostn­aður rík­is­sjóðs verður lægri en áður var áætlað, en einnig með ein­skiptis­tekjum í formi arð­greiðslna frá bönk­unum og með því að klípa af rekstr­ar­af­gangi rík­is­ins. 

Við­bót­ararð­greiðslur bank­anna nema 8 millj­örðum árið 2019, en þá verða jafn­framt vaxta­gjöld 13,7 millj­örðum lægri heldur en gert var ráð fyrir í fjár­mála­á­ætlun Bene­dikts Jóhann­es­sonar, fyr­ir­renn­ara Bjarna á ráð­herra­stóli. Þetta skapar útgjalda­svig­rúm upp á sam­tals 21,7 millj­arða. 

Ofan á það eru 12,2 millj­arðar klipptir af fjár­laga­af­gang­inum sem fyrri rík­is­stjórn reikn­aði með árið 2019. Samtals jafn­gilda þessar ráð­staf­anir nær öllum útgjalda­mis­mun­un­inum milli fjár­mála­á­ætl­unar Bene­dikts og fjár­mála­á­ætl­unar Bjarna árið 2019. 

Samhliða útgjalda­aukn­ing­unni verða skattar lækk­aðir um 7,2 millj­arða á næsta ári. Trygg­inga­gjald lækkar úr 6,85% í 6,6% auk þess sem virð­is­auka­skattur á bækur verður afnum­inn.