Bjarni Bene­dikts­son for­sæt­is­ráð­herra hefur brugð­ist harka­lega við frétta­flutn­ingi af við­skiptum sínum í aðdrag­anda hruns­ins. Á laug­ar­dag byrsti hann sig og hróp­aði yfir rit­stjórn­ar­skrif­stofu 365 miðla og í morgun sendi blaða­maður á Guardian frá sér yfir­lýs­ingu þar sem hann leið­rétti full­yrð­ingar Bjarna um sam­skipti þeirra.

Stundin greindi frá því fyrir helgi að Bjarni Bene­dikts­son hefði selt allar eignir sínar í Sjóði 9 dag­ana 2. til 6. októ­ber árið 2008, miðlað upp­lýs­ingum um störf Fjár­mála­eft­ir­lits­ins til fram­kvæmda­stjóra hjá Glitni og átt í ítrek­uðum sam­skiptum við banka­stjóra bank­ans mán­uð­ina á undan meðan hann var þing­maður.

For­sæt­is­ráð­herra hefur sakað fjöl­miðla­fólk um óheil­indi, sagt blaða­menn Guardian,  Stund­ar­innar og Reykja­vik Media hafa hag­rætt tíma­setn­ingu á birt­ingu frétt­anna til að koma höggi á sig og gagn­rýnt aðra fjöl­miðla fyrir að vitna í Stundina.

„Blaða­mað­ur­inn sem hringdi í mig frá Bret­landi, hann bein­línis sagði mér að þeir hefðu haft þessi gögn, þessar upp­lýs­ingar, í margar vikur og að þeir hefðu beðið eftir réttu tíma­setn­ing­unni,“ sagði Bjarni í við­tali við RÚV á föstu­dag. Þá sagði hann í við­tali við Stöð 2: „Mér finnst tíma­setn­ing merki­leg og ég bara þori að full­yrða að það teng­ist kosn­ing­unum sem eru framundan.“

Blaða­maður Guardian, Jon Henley, sendi Rík­is­út­varp­inu til­kynn­ingu í morgun þar sem hann sagði Bjarna leggja sér orð í munn og fara með rangt mál um sam­skipti þeirra. Í til­kynn­ing­unni segir Henley að íslenskir sam­starfs­að­ilar The Guardian, Stundin og Reykja­vik Media, hafi lagt áherslu á að flýta birt­ingu upp­lýs­ing­anna svo þær birt­ust ekki of nærri kosn­ingum. Guardian hafði fyr­ir­hugað að birta þær 16. eða 23. októ­ber: „Íslenskir starfs­fé­lagar mínir sögðu þá að ef fréttin færi út svo stuttu fyrir kosn­ingar væri hætta á að hún hefði óeðli­leg áhrif á þær. Þeir vildu birta þetta eins fljótt og hægt er, í síð­asta lagi í vik­unni sem lauk 2. októ­ber,“ segir í yfir­lýs­ingu Jons. „Það er því langur vegur frá því að birt­ingu hafi verið seinkað til síð­asta föstu­dags - henni var þvert á móti flýtt um nokkrar vikur til að draga úr tjón­inu.“

Skammaði fréttakonu á ritstjórnargólfinu

Þetta er ekki eina dæmi þess að við­brögð for­sæt­is­ráð­herra við frétta­flutn­ingnum veki athygli. DV greindi frá því í kvöld að Bjarni hefði tekið bræðiskast á rit­stjórn­ar­gólfi 365 miðla á laug­ar­dag. Í umfjöllun blaðs­ins kemur fram að að Bjarni hafi „misst stjórn á skapi sínu og hróp hans borist um húsið“. Haft er eftir vitni að um hafi verið að ræða „tryllt öskur“ og fólki hafi brugðið. Svan­hildur Hólm Vals­dóttir, aðstoð­ar­kona Bjarna, hafi þurft að draga for­sæt­is­ráð­herra afsíðis.

Frétt DV er í grófum dráttum í sam­ræmi við upp­lýs­ingar sem Stundin fékk innan af 365 í gær. Mun for­sæt­is­ráð­herra hafa byrst sig við Sunnu Sæmunds­dóttur, frétta­konu, vegna orða sem fram komu í hádeg­is­fréttum Bylgj­unnar. Nokkrir starfs­menn urðu vitni að sam­skipt­unum sem þóttu óvenju harka­leg. „Fólk var hálf sjokkerað. Fólk hefur aldrei séð Bjarna svona áður,“ segir einn af við­mæl­endum Stund­ar­innar. 

Sam­skiptin áttu sér stað í opnu rými, á rit­stjórn­ar­skrif­stofu 365 miðla og duld­ist engum að for­sæt­is­ráð­herra var reiður.

„Hann tók hálf­gert kast inni á miðju gólfi,“ segir starfs­maður blaðs­ins í sam­tali við Stundina. Annar við­mæl­andi segir að sér finn­ist slíkt orða­lag vera full ýkt lýs­ing á því sem gerð­ist. „Þetta var ekki æðiskast, það var ekki þannig, en hann byrsti sig vissu­lega, hann hækk­aði mjög róm­inn.“

Þá ber við­mæl­endum saman um að Bjarni hafi þrá­spurt hvaðan frétta­konan hefði fengið upp­lýs­ingar um að efna­hags- og skatta­nefnd Alþingis hefði fundað um stöðu Glitnis skömmu fyrir hrun. Sú full­yrð­ing, sem birt­ist í Frétta­blað­inu á laug­ar­dag­inn, er röng. Hún var end­ur­tekin í hádeg­is­fréttum Bylgj­unnar sama dag, skömmu áður en Bjarni Bene­dikts­son og Katrín Jak­obs­dóttir mætt­ust í beinni útsend­ingu í við­tals­þætt­inum Víg­lín­unni á Stöð 2. Algengt er að hádeg­is­fréttir Bylgj­unnar byggi á fréttum úr blað­inu sem kemur út að morgni.

For­sæt­is­ráð­herra átti leið gegnum rit­stjórn­ar­skrif­stofu 365 miðla áður en Víglínan fór í loftið og lét þá óánægju sína í ljós. Samkvæmt heim­ildum Stund­ar­innar hefur Bjarni beitt sér með sams konar hætti sím­leiðis við fleiri blaða­menn frá því að rík­is­stjórn­ar­sam­starfi Við­reisnar, Bjartrar fram­tíðar og Sjálf­stæð­is­flokks­ins var slitið í sept­em­ber. Hann hefur ekki viljað ræða við blaða­menn Stund­ar­innar.

Óánægður með fjölmiðla

Seinna á laug­ar­dag­inn birti Bjarni stöðu­upp­færslu á Facebook þar sem hann gagn­rýndi fjöl­miðla og kenndi Stund­inni um að aðrir fjöl­miðlar hefðu sett fram hina röngu full­yrð­ingu um fundi efna­hags- og skatta­nefndar um stöðu Glitnis. Þá beindi hann sér­stak­lega spjótum sínum að Rík­is­út­varp­inu.

Mynd: Stundin

Í frétt Stund­ar­innar um sölu Bjarna á hluta­bréfum í Glitni og inn­lausn úr Sjóði 9 í aðdrag­anda hruns­ins, sem birt­ist á föstu­dag­inn, segir orð­rétt:

„Bjarni, sem á þessum tíma var meðal ann­ars í efna­hags- og skatta­nefnd, sat fundi á þessum tíma þar sem erfið staða Glitnis var rædd. Hann var einn þriggja þing­manna Sjálf­stæð­is­flokks­ins sem sat neyð­ar­fund um fram­tíð Glitnis í höf­uð­stöðvum Stoða, stærsta hlut­hafa Glitnis, nótt­ina áður en íslenska ríkið fékk bank­ann í fangið þann 29. sept­em­ber 2008. Frá þess­ari aðkomu Bjarna var greint í skýrslu rann­sókn­ar­nefndar Alþingis. Á fund­inum kom fram að staða Glitnis væri „gríð­ar­lega alvar­leg“ eins og haft var eftir einum fund­ar­manni í skýrsl­unni.“

Í stöðu­upp­færslu Bjarna vitn­aði hann í fyrstu setn­ingu efn­is­grein­ar­innar, til­greindi svo hvað aðrir fjöl­miðlar hefðu full­yrt og hrakti þau orð sem fram komu í Frétta­blað­inu og á Bylgj­unni. 

Um leið sak­aði hann Stundina um að hafa fleytt rang­færsl­unni af stað og sagði aðra fjöl­miðla hafa lapið orð Stund­ar­innar upp án skoð­unar.

Rit­stjóri Stund­ar­innar, Jón Trausti Reyn­is­son, birti athuga­semd við færslu Bjarna sama dag. Bjarni faldi þá athuga­semd fyrir fylgj­endum sínum á Facebook eins og Vísir greindi frá, en athuga­semdin hljóð­aði svo: 

„Það er alfarið rangt að Stundin hafi haldið því fram að fundað hafi verið í efna­hags- og skatta­nefnd á þessum tíma. Verið var að vísa í annan fund, í höf­uð­stöðvum Stoða, eins og sést á frétt­inni sem hér er vitnað í. Hér er hluti af frétt Stund­ar­innar tek­inn úr sam­hengi. Setn­ingin úr frétt Stund­ar­innar er í heild sinni svona, áður en hún var klippt til að und­ir­byggja falska ásökun um óheið­ar­leg vinn­brögð: „Bjarni, sem á þessum tíma var meðal ann­ars í efna­hags- og skatta­nefnd, sat fundi á þessum tíma þar sem erfið staða Glitnis var rædd. Hann var einn þriggja þing­manna Sjálf­stæð­is­flokks­ins sem sat neyð­ar­fund um fram­tíð Glitnis í höf­uð­stöðvum Stoða, stærsta hlut­hafa Glitnis, nótt­ina áður en íslenska ríkið fékk bank­ann í fangið þann 29. sept­em­ber 2008.“

Í kjöl­farið lýsti Bjarni óánægju með að talað væri um „fundi“ í fleir­tölu í frétt Stund­ar­innar.

Daginn eftir greindi Stundin frá því að Bjarni hefði ekki aðeins fundað með for­stjóra Glitnis um „lausn vanda bank­anna“ þann 19. febr­úar 2008, tveimur dögum áður en hann hóf sölu á hluta­bréfum sínum í bank­anum, og svo fundað í höf­uð­stöðvum Stoða aðfara­nótt 29. sept­em­ber rétt áður en ríkið fékk Glitni í fangið, heldur einnig hitt Lárus í lok ágúst 2008, rúmum mán­uði fyrir banka­hrunið, og talað um að gott væri að „fara yfir stöð­una reglu­lega, m.a. í efna­hags­málum“. 

Athuga­semd: Í frétt­inni fjallar Stundin um tengda aðila; fjöl­mið­il­inn Stundina og rit­stjóra Stund­ar­innar.