Þessi grein birtist upphaflega í Stundinni fyrir meira en 7 árum.

Ráðherra notar þingsal í auglýsingaskyni og hæðist að gagnrýni

Björt Ólafs­dótt­ir, um­hverf­is og auð­linda­ráð­herra, sat fyr­ir á aug­lýs­ingu fyr­ir nána vin­konu sína í sal Al­þing­is. Í siða­regl­um ráð­herra er skýrt kveð­ið á um ráð­herra beri ekki að nota stöðu sína til per­sónu­legs ávinn­ings fyr­ir ná­komna. Björt tjáði sig um mál­ið á Face­book og þyk­ir það ekki merki­legt.

Ráðherra notar þingsal í auglýsingaskyni og hæðist að gagnrýni
Björt Ólafsdóttir Mynd: Heiða Helgadóttir

Björt Ólafsdóttir, umhverfis- og auðlindaráðherra, sat fyrir í auglýsingu í sal Alþingis fyrir breska tískuvörumerkið Galvan London sem birtist á samfélagsmiðlum á dögunum. Listrænn stjórnandi Galvan er Sóla Káradóttir og eru þær Björt vinkonur til margra ára, eins og fram kemur í færslu Galvan á Instagram en þar birtist auglýsingin fyrir helgi. Fréttablaðið fjallaði fyrst um málið.

Í færslunni er sérstaklega bent á að Björt sé ráðherra og að myndin sé tekin í þingsal Alþingis. Í fyrstu grein siðareglna ráðherra er tekið skýrt fram að ráðherra skuli ekki notfæra sér stöðu sína til persónulegs ávinnings fyrir sig eða aðila sér nákomna. Sambærilegt ákvæði er að finna í siðareglum þingmanna og ber þingmönnnum að afhenda forseta Alþingis undirritaða yfirlýsingu við upphaf þingsetu um að þeir skuldbindi sig til þess að hlýta þeim.

Björt ÓlafsdóttirSat fyrir á auglýsingu í þingsal Alþingis fyrir nána vinkonu.

Björt tjáði sig um frétt Fréttablaðsins um málið í færslu á Facebook og setur málið í samhengi við bindi og feðraveldið. 

„Obbosí. Næst verð ég með bindi til þess að hvetja karlkyns samþingmenn mína til að bera það í þingsalnum. Nú ansi hrædd um að einhverjum muni líka það. Nei, við frekari umhugsun. Það gæti auðvitað endanlega farið með feðraveldið eins og það leggur sig,“ skrifar Björt í færslunni.

Uppfært: Eftir að frétt Stundarinnar birtist bætti Björt við færsluna: „En vissulega skil ég að fólki þykir Alþingi vera helgur staður og vill standa vörð um virðingu þess. Ég hef reyndar oft verið í íslenskri hönnun þar áður og um það hefur verið fjallað, ( til dæmis á samfélagsmiðlum). Það var alls ekki mín ætlan að brjóta gegn því. Mér þykir miður ef þessi ljósmynd skapi slík hughrif.“ Sem fyrr segir var myndin tekin fyrir brekst tískuvörumerki, Galvan London. Fyrirtækið var stofnað af fjórum konum, þar af einni íslenskri, vinkonu ráðherrans, sem gegnir stöðu listræns stjórnanda. 

Á meðal þeirra sem tjá sig um málið á samfélagsmiðlum er Gunnar Hrafn Jónsson, þingmaður Pírata, sem furðar sig á því að Björt noti Alþingissalinn í auglýsingaskyni. „Mér hefur ítrekað verið sagt að öll myndataka í þingsal sé bönnuð utan þingfunda, þetta hefur komið upp þegar fjölmiðlar vilja taka myndir fyrir viðtöl,“ skrifar hann og bætir við: „Ég fékk hins vegar að standa í dyragættinni á einni mynd en það var með ströngum skilyrðum um notkun, meðal annars var mér sagt að allar auglýsingar væru stranglega bannaðar. Áhugavert að menn kannist allt í einu ekki við þessar reglur sem þeir framfylgja og taka almennt frekar hátíðlega.“

Stóð í dyragættinniGunnar Hrafn mátti ekki fara inn í þingsalinn í myndatöku Stundarinnar þegar hann steig fram til þess að ræða reynslu sína af geðsjúkdómum og geðheilbrigðiskerfinu.

Í viðtali Stundarinnar við Gunnar Hrafn um geðraskanir fékk Stundin leyfi til að taka mynd af Gunnari þar sem hann stóð í dyragættinni, en með fyrirmælum um að hann mætti ekki stíga inn í þingsal Alþingis í myndatökunni, jafnvel þótt ljósmyndarinn stæði fyrir utan salinn og tæki myndina þaðan, líkt og gert var í tilfelli Bjartar. 

Í samtali við Fréttablaðið segir Helgi Bernódusson, skrifstofustjóri Alþingis að myndatökur í tengslum við blaða- eða sjónvarpsviðtöl, auglýsingamyndatökur og aðrar myndatökur í einkaþágu séu óheimilar í þingsalnum. Hins vegar sé heimilt að taka ljósmyndir inn í salinn, úr hliðarsölum eða gangi, þar sem ljósmyndarar séu staddir fyrir utan salinn. Björt sagði í samtali við Fréttablaðið að myndatakan hefði ekki brotið gegn neinum reglum vegna þess að myndavélinni hefði verið beint inn í þingsalinn.

Björt er ekki fyrsti ráðherra ríkisstjórnar Bjarna Benediktssonar sem tekið hefur þátt í kynningarstarfsemi fyrir einkafyrirtæki. Fyrr á árinu fjallaði Stundin um það þegar Kristján Þór Júlíusson, mennta- og menningarmálaráðherra, tók þátt í kynningu á tækninni Boditrax sem fjallað var um á vef Smartlands. Ágústa Johnson, framkvæmdastjóri Hreyfingar og eiginkona Guðlaugs Þórs Þórðarsonar utanríkisráðherra, kynnir tæknina og Kristján Þór prófar hana í umfjölluninni sem er auglýsingu líkust. Um er að ræða tækni sem Hreyfing tók nýlega í notkun. Í annarri grein á vef Smartlands var tekið viðtal við Brynjar Níelsson, formann stjórnskipunar- og eftirlitsnefndar Alþingis, sem einnig prófaði Boditrax-tæknina og lýsti því hvernig hann ætlar að taka sig á, hreyfa sig og borða hollari á mat. Á meðal þeirra sem vöktu athygli á umfjölluninni á Facebook var Guðlaugur Þór Þórðarson, utanríkisráðherra og eiginmaður Ágústu Johnson.

Athygli vakti fyrr á árinu þegar Kellyanne Conway, ráðgjafi Donald Trump, notfærði sér fjölmiðlaathygli vegna stöðu sinnar til að kynna vörur Ivönku Trump, dóttur Bandaríkjaforseta. Í kjölfarið áminnti Hvíta húsið Conway fyrir að brjóta gegn reglum um háttsemi ráðuneytisstarfsmanna.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

ACD-ríkisstjórnin

Unnu náið með hæsta­réttar­dómurunum meðan þeir dæmdu Arn­fríðar­mál
Fréttir

Unnu ná­ið með hæsta­rétt­ar­dómur­un­um með­an þeir dæmdu Arn­fríð­ar­mál

Arn­fríð­ur Ein­ars­dótt­ir lands­rétt­ar­dóm­ari starf­aði sjálf sem vara­dóm­ari með tveim­ur þeirra hæsta­rétt­ar­dóm­ara sem tóku af­stöðu um hæfi henn­ar og bærni til að kveða upp dóma á sama tíma og mál­ið var til með­ferð­ar. Hinir þrír sem vald­ir voru í Lands­rétt í trássi við stjórn­sýslu­lög störf­uðu einnig ná­ið með hæsta­rétt­ar­dómur­un­um með­an Hæstirétt­ur tók fyr­ir mál sem hefði getað sett dóm­ara­störf fjór­menn­ing­anna í upp­nám.

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár