Ísland tók ekki þátt í fjöldaútgöngu fulltrúa á allsherjarþingi Sameinuðu þjóðanna þegar Benjamín Netanyahu, forsætisráðherra Ísraels, steig í pontu í New York í dag. Fulltrúi Íslands sat áfram í sæti landsins á meðan tugir annarra fulltrúa yfirgáfu salinn.
Þetta staðfestir aðstoðarmaður utanríkisráðherra við Heimildina.
Erlendir fjölmiðlar greina frá því að tugir fulltrúa hafi gengið úr salnum þegar Netanyahu hóf ræðu sína. Myndir frá þinginu sýna fjölda auðra sæta eftir útgönguna.
Palestínska sendinefndin hafði fyrir ræðuna hvatt önnur ríki til að fjölmenna í salinn og ganga síðan sameiginlega út þegar Netanyahu yrði kynntur til leiks.
Netanyahu brást við útgöngunni úr pontu og sagði þá sem enn kynnu að vilja yfirgefa salinn vera „moral cowards“, eða siðferðilega hugleysingja. Fundarstjóri þurfti ítrekað að kalla eftir ró þegar hróp, baul og lófatak heyrðust í salnum.
Þorgerður á UNRWA-fundi á sama tíma
Þorgerður Katrín Gunnarsdóttir utanríkisráðherra var ekki í salnum þegar Netanyahu flutti ræðu …
Mikil er skömm okkar íslendinga þarna, eina ferðina enn að sitja og hlusta á helvítið - Eru morðin orðin 90.000 fyrir utan særða og veraldlegt tjón? - og engar afleiðingar?? 😪