Spenna eykst í aðdraganda þingkosninganna í Bandaríkjunum í nóvember. Vaxandi óánægja með efnahagsástandið og lækkandi fylgi Donalds Trump forseta hefur vakið vonir demókrata um að þeir geti endurheimt völd á þinginu.

Á sama tíma á sér hins vegar stað óvenjulegur undirbúningur víða um landið. Kosningayfirvöld, leiðtogar Demókrataflokksins og borgarasamtök búa sig undir mögulegar tilraunir ríkisstjórnarinnar til að hafa afskipti af kosningunum, leggja hald á kjörseðla eða draga niðurstöðurnar í efa.

Los Angeles Times greindi frá því um helgina að stór hluti undirbúningsins væri leynilegur, bæði til þess að ríkisstjórnin sé ekki upplýst um viðbragðsáætlanir og eins til að valda ekki óþarfa ótta á meðal kjósenda. Í stórborgum verður starfsfólki kjörstaða útvegaðir neyðarhnappar, embættismenn æfa viðbrögð við mögulegum aðgerðum innflytjendayfirvalda við kjörstaði og lögmenn undirbúa málsóknir ef reynt verður að leggja hald á kjörseðla. Samhliða þessu er verið að undirbúa þingmenn demókrata til þess að svara hratt ef órökstuddar ásakanir um …