Íbúum á Íslandi fjölgaði um 1.450 Frá apríl til júní fluttu 930 einstaklingar til Íslands umfram brottflutta. Þar af voru 700 erlendir ríkisborgarar, en 230 íslenskir.
Það jafngildir um það bil íbúafjölda Blönduóss í aðflutningi fólks á einum ársfjórðungi.
Erlendir ríkisborgarar eru núna 17,9% af mannfjöldanum, eða liðlega 71 þúsund manns. Fyrir tíu árum voru erlendir ríkisborgarar aðeins 26 þúsund.
Atvinnuleysi hefur farið vaxandi síðustu ár og er nú 5% eftir að hafa verið 2,9% árið áður, árstíðarleiðrétt. Hægt hefur á aðflutningi fólks síðustu ár. Á sama ársfjórðungi í fyrra voru 1.340 aðfluttir umfram brottflutta, 1.780 árið áður, og 2.210 þar áður og 3.310 árið 2022.
Íslendingar stefna hraðbyri í að ná 400 þúsund, en eru núna 396.500 talsins. Eins og síðustu ár er meiri fjölgun vegna aðflutnings en vegna fæðinga. Á ársfjórðungnum fæddust 540 manns umfram fjölda andláta.
Athugasemdir