Hæsti­réttur Banda­ríkj­anna hafn­aði í dag til­raun Donalds Trump til að hnekkja dómi kvið­dóms um að hann hefði beitt E. Jean Carroll kyn­ferð­is­of­beldi, rægt hana og yrði að greiða henni fimm millj­ónir dala, eða sem nemur 633 millj­ónum króna.

Ákvörðun dóm­stóls­ins um að taka ekki fyrir beiðni Banda­ríkja­for­set­ans var gefin út sem hluti af fjölda ann­arra úrskurða og inni­hélt engar rök­semdir.

Þann 9. maí 2023 komst alrík­is­dóm­stóll í einka­máli á Man­hattan að þeirri nið­ur­stöðu að Trump væri sekur um „kyn­ferð­is­of­beldi“ gegn fyrr­ver­andi dálka­höf­undi dag­blaðs í stór­verslun í New York árið 1996.

Trump brást illa við ákvörðun dóm­stóls­ins um að end­ur­skoða ekki úrskurð kvið­dóms­ins.

„Það kemur á óvart að Hæsti­réttur neit­aði að „end­ur­skoða“ til­búið mál sem höfðað var gegn mér af konu sem ég hef aldrei hitt (ára­tuga­gömul mynd af frægri mann­eskju, þar sem hún stendur með eig­in­manni sínum, telur ekki!),“ skrif­aði Trump á sam­fé­lags­miðlum.

„Ég mun halda áfram bar­átt­unni gegn þessu vopna­vædda og laga­lega árás­ar­máli gegn mér, þar á meðal fárán­legri full­yrð­ingu um æru­meið­ingar, af öllum mínum mætti og styrk.“

E. Jean Carroll, nú 82 ára, greindi frá því í bók sem gefin var út árið 2019 sem hún taldi vera nauðgun sem framin var 23 árum fyrr í mát­un­ar­klefa. Repúblikan­inn og millj­arða­mær­ing­ur­inn hafði kallað hana „geð­sjúk­ling“.

„Ákvörðun Hæsta­réttar í dag stað­festir í eitt skipti fyrir öll ein­róma úrskurð kvið­dóms­ins um að Donald J. Trump for­seti hafi beitt E. Jean Carroll kyn­ferð­is­of­beldi og rægt hana,“ sagði Roberta Kaplan, lög­maður Carroll.

„Margar til­raunir hans til að áfrýja þeim dómi hafa allar mis­tek­ist og úrskurð­ur­inn í dag bindur enda á leit hans að því að kom­ast hjá ábyrgð á gjörðum sínum.“

Óvinir Trumps

Trump var dæmdur til að greiða tvær millj­ónir dala í skaða­bætur fyrir kyn­ferð­is­of­beldi og þrjár millj­ónir dala fyrir æru­meið­andi ummæli sem hann lét falla árið 2022. Sá dómur var stað­festur við áfrýjun í des­em­ber 2024.

Í öðru æru­meið­ing­ar­máli fyrir alrík­is­dóm­stóli í einka­máli í New York var Trump dæmdur af kvið­dómi til að greiða henni 83,3 millj­ónir dala, eða 10,5 millj­arða króna. Dómurinn var stað­festur við áfrýjun.

Dóms­mála­ráðu­neyti Banda­ríkj­anna hefur hafið saka­mála­rann­sókn sem bein­ist að Carroll, að því er nokkrir banda­rískir fjöl­miðlar greindu frá í lok maí.

Samkvæmt CNN og The New York Times, sem vitna í heim­ild­ar­menn nákomna mál­inu, miðar rann­sóknin að því að ákvarða hvort hún hafi logið undir eið við yfir­heyrslur í tengslum við einka­málin tvö sem hún höfð­aði gegn for­set­anum.

CNN greindi frá því að sak­sókn­arar beini sjónum sínum að yfir­lýs­ingu þar sem hún full­yrti að hún hefði ekki fengið neina utan­að­kom­andi fjár­mögnun.

Síðar kom í ljós að millj­arða­mær­ing­ur­inn Reid Hoffman hafði greitt hluta af lög­fræði­kostn­aði hennar og útgjöldum, að sögn frétta­stof­unnar.

Rann­sóknin er ein af mörgum laga­legum aðgerðum sem dóms­mála­ráðu­neyti Trumps hefur gripið til gegn per­sónu­legum óvinum hans.