Ævilengd íslenskra karlmanna með grunnskólamenntun hefur styst um hálft ár síðasta áratug, á meðan konur með háskólamenntun lifa ári lengur en þá.
Nýjar tölur Hagstofunnar sýna að karlmenn með grunnskólamenntun geta frá 30 ára aldri vænst þess að lifa 8 árum skemur en háskólamenntaðar konur.
Bæði konur og karlar með háskólamenntun skera sig úr mannfjöldanum að því leyti að frá árinu 2011 hefur vænt ævilengd þeirra ekki lengst. Á meðan háskólamenntað fólk af karl- og kvenkyni getur vænst þess að lifa um einu og hálfu ári lengur árið 2025 en 2011, eiga grunnskólamenntaðar konur von á að lifa hálfu áru skemur.
Í færslu Hagstofu Íslands kemur fram að meðalævilengd karla á Íslandi var 81,0 ár árið 2025 og meðalævilengd kvenna 84,2 ár en meðalævilengd sýnir hve mörg ár einstaklingur á að meðaltali ólifuð við fæðingu ef miðað er við aldursbundna dánartíðni mannfjöldans.
Ævilengdarmunur kynjanna hefur minnkað síðustu áratugi. Frá árinu 1990 hafa karlar bætt við sig rúmlega fimm árum og konur tæplega fjórum í meðalævilengd. Ævilengd karla jókst um 0,1 ár frá árinu 2024 á meðan hún minnkaði hjá konum um 0,1 á milli áranna 2024 og 2025.
Ég veit ekki hvort það verður endilega eftirsóknarvert að verða gamall eins og heimurinn er að þróast?
1
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Athugasemdir (1)