Sjálfstæðisflokkurinn hefur lýst yfir áhuga á að vinna með Viðreisn og Framsóknarflokknum eftir kosningar. Framsókn hefur útilokað samstarf með Samfylkingunni og bæði Viðreisn og Sjálfstæðisflokkurinn telja Samfylkinguna ekki vænlegasta kostinn í meirihlutasamstarf.

Ef ný könnun Gallups verður að veruleika í kosningunum getur Sjálfstæðisflokkurinn valið á milli Viðreisnar og Miðflokksins við myndun meirihluta með Framsóknarflokknum.

Heimildin tók saman greiningu þar sem skoðað er hvað meirihlutasamstarf til hægri gæti þýtt fyrir borgarbúa og áherslur slíkra borgarstjórna. Eins hefur Heimildin greint áherslur samstarf flokkanna frá miðju til vinstri.

Samgöngur

Á meðan Sjálfstæðisflokkurinn vill „endurskoða samgöngusáttmálann“, vill Viðreisn, eins og aðrir flokkar í borgarstjórn, klára hann, ólíkt Miðflokknum sem vill víkja frá Borgarlínu.

Ólíkt Vegagerðinni vilja Viðreisn og Sjálfstæðisflokkurinn setja Sundabraut í göng. Þá vill Viðreisn landfyllingu fyrir nýtt hverfi, en Sjálfstæðisflokkur vill landfyllingu við Granda í Reykjavík og setja stokk eða göng undir Reykjavíkurhöfn, …