Erlent

Grínast með að hertaka Kúbu

Víðtækt rafmagnsleysi skekur Kúbu og heilbrigðiskerfið er í uppnámi vegna orkuskorts. Bandaríkjaforseti endurtók fyrirætlanir um að hertaka Kúbu og uppskar hlátur viðstaddra. Hann kallaði Hormússund „Trump-sund“.

28. mars 2026 · 09:15

Birtist fyrir 7 mánuðum.

Donald Trump, forseti Bandaríkjanna, ítrekaði í gær að „Kúba væri næst“ um leið og hann vísaði á bug áhyggjum af því að nýlegar hernaðaraðgerðir Bandaríkjanna myndu kosta hann pólitískan stuðning.

Kommúnistastjórn Kúbu hefur sætt vaxandi þrýstingi frá Trump, sem setti á olíubann í janúar og velti fyrir sér að „taka“ landið.

Á fjárfestingaráðstefnunni FII Priority í Miami, sem er studd af Sádi-Arabíu, sagði Trump að Make America Great Again (MAGA) hreyfing hans vildi „styrk“ og „sigur“ og vísaði til áhlaupsins í janúar þar sem bandarískar hersveitir handtóku Nicolas Maduro, leiðtoga Venesúela.

„Ég byggði upp þennan frábæra her. Ég sagði: „Þið þurfið aldrei að nota hann,“ en stundum verður maður að nota hann,“ sagði Trump.

„Og Kúba er næst, svo þið vitið það. En látið eins og ég hafi ekki sagt það.“

Trump tilgreindi ekki hvað hann hygðist gera varðandi Kúbu og sagði fjölmiðlum að „hunsa þessa yfirlýsingu“ áður en hann endurtók „Kúba er næst“ við hlátur áhorfenda.

Í ræðu sinni í gær kom repúblikaninn og forsetinn einnig með stríðnislega athugasemd þar sem hann kallaði Hormússund „Trump-sund“.

Miguel Diaz-Canel, leiðtogi Kúbu, sagði í síðustu viku að sérhver utanaðkomandi árásaraðili myndi mæta „óbrjótanlegri mótspyrnu“, jafnvel þótt landið hefði tvisvar í síðustu viku orðið fyrir rafmagnsleysi á landsvísu.

Kúba hefur verið í viðskiptabanni Bandaríkjanna frá því skömmu eftir byltingu Fidels Castro árið 1959. Samskiptin hafa batnað á síðustu árum en hafa versnað aftur síðan Trump tók við embætti á sínu öðru kjörtímabili, en forsetinn leitast við að herða tök stjórnar sinnar á Rómönsku Ameríku.

Háttsettur kúbverskur erindreki hafði áður sagt að stjórnvöld í Havana væru reiðubúin að halda áfram viðræðum við stjórnina í Washington, en útilokaði að ræða breytingar á stjórnmálakerfi landsins.

Tveggja seglbáta sem voru hluti af alþjóðlegri skipalest sem flutti lækningavörur, mat, sólarrafhlöður og aðrar vörur til Kúbu er saknað og hafði ekkert hafði spurst til þeirra í gær.

Neyð á Kúbu

Bandaríkin stöðva olíuinnflutning og heilbrigðiskerfið er í uppnámi.

Yfirmaður Alþjóðaheilbrigðismálastofnunarinnar (WHO) sagði á miðvikudag að heilbrigðisástandið á Kúbu væri „mikið áhyggjuefni“ þar sem eldsneytisbann Bandaríkjanna dýpkar orkukreppu á eyjunni.

„Vernda ber heilbrigði hvað sem það kostar og það má aldrei vera komið upp á náð og miskunn alþjóðastjórnmála, orkubanns og rafmagnsleysis,“ sagði Tedros Adhanom Ghebreyesus, framkvæmdastjóri Alþjóðaheilbrigðismálastofnunarinnar, á X.

„Ástandið á Kúbu er mikið áhyggjuefni þar sem landið á í erfiðleikum með að viðhalda heilbrigðisþjónustu á miklum umbrotatímum sem hafa leitt til orkuskorts sem hefur haft áhrif á heilbrigðiskerfið.“

Úrelt raforkuframleiðslukerfi Kúbu er í molum og daglegt rafmagnsleysi í allt að 20 klukkustundir er reglubundið í sumum hlutum eyjunnar, sem skortir eldsneyti til orkuframleiðslu.

Frá því að Bandaríkin steyptu helsta bandamanni Kúbu, Nicolas Maduro forseta Venesúela, af stóli þann 3. janúar, hefur efnahagur eyjunnar orðið fyrir enn frekara höggi þar sem Trump viðheldur í raun olíubanni.

Engin olía hefur verið flutt inn til eyjunnar frá 9. janúar, sem hefur komið niður á orkugeiranum og jafnframt neytt flugfélög til að fækka flugferðum til eyjunnar, sem er áfall fyrir mikilvægan ferðaþjónustugeirann.

Hann sagði að fréttir sýndu að kúbverskir spítalar hefðu átt í erfiðleikum með að viðhalda bráða- og gjörgæsluþjónustu.

„Þúsundum skurðaðgerða hefur verið frestað síðasta mánuðinn og fólk sem þarfnast umönnunar, allt frá krabbameinssjúklingum til barnshafandi kvenna sem búa sig undir fæðingu, hefur verið sett í hættu vegna skorts á rafmagni til að knýja lækningatæki og viðhalda kælikeðju fyrir bóluefni,“ sagði Tedros.

„Nú er þörfin fyrir spítala, heilsugæslustöðvar og sjúkrabíla á Kúbu, meiri en nokkru sinni fyrr, og það verður að styðja þá til að sinna lífsnauðsynlegum verkefnum.“

Auk daglegs rafmagnsleysis hefur eldsneytisverð rokið upp, almenningssamgöngur eru orðnar fátíðar og sorp hrannast upp þar sem sorphirðubílar ganga ekki lengur.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Skráðu þig inn til að skrifa athugasemd eða kjósa.

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Pistill

Sif Sigmarsdóttir

Líkindareikningur lausgyrtra dómsdagsspámanna

Roman Yampolskiy metur líkurnar á að gervigreind útrými mannkyninu 99,999999 prósent. Sif Sigmarsdóttir spyr hvort tölur af þessu tagi séu annað en ágiskanir og hvaða áhrif þær hafi.

Pistill

Steindór Grétar Jónsson

Digger grefur gröf Warner-bræðra

Enginn sem hefur áhuga á kvikmyndum ætti að láta Digger fram hjá sér fara, þó að gagnrýnendur lýsi henni sem „kvalafullri“. Þessi lokamynd Warner Bros. spyr hvers virði list sé í baráttunni gegn peningaöflunum á sama tíma og milljarðamæringur úr hring Donalds Trump kaupir kvikmyndaverið.

StjórnmálHorft til Evrópu

Þrátt fyrir nei „lokum við að sjálfsögðu ekki á Evrópu“

Forsætisráðherra segir að niðurstaða þjóðaratkvæðagreiðslunnar verði virt en ekki komi til greina að loka á Evrópu eða grafa undan EES-samningnum. Orð hennar falla á sama tíma og stjórnarandstaðan vill staðfestingu á stöðu aðildarumsóknarinnar og frumvarp um bókun 35 liggur aftur fyrir Alþingi.

Pistill

Ásgeir Brynjar Torfason

K-kúrfu hagkerfið

Verðbólga var ekki tilkomin vegna launa og eyðslu neðri hluta K-leggsins í hagkerfinu, heldur vegna aðgerða atvinnulífsins og hins opinbera.

Aðsent

Stefán Ólafsson

Rétt og rangt um leigubremsu

Frumvarp ríkisstjórnarinnar um leigubremsu setur þak á hækkanir leigu við hækkun vísitölu neysluverðs. Stefán Ólafsson segir það geta dregið úr verðbólgu og bætt stöðu leigjenda.

Erlent

Frakkland í krísu og fjarhægrið sækir á

Aðeins 15 prósent hafa jákvætt álit á Macron Frakklandsforseta. Eldsneytisverð í Frakklandi er í sögulegu hámarki og framhaldsskólanemar mótmæla.

Mest lesið

Mest lesið í vikunni

InnlentLífið á Grensás

Vilja að Katla fari á elliheimili

Heilbrigðisráðuneytið hefur þrýst á að Katla Guðnadóttir, 24 ára gömul, velji sér hjúkrunarheimili til að flytja á tímabundið. Formaður ÖBÍ segir slíkar innlagnir ungs fólks sjaldnast verða tímabundnar. Katla hefur verið ári lengur á Grensásdeild en heilbrigðisstarfsfólk taldi þurfa og vill flytja heim til sín.

Stjórnmál

DV fjarlægir nafnlausan skoðanapistil um fréttakonu

Nafnlaus pistill um Elísabetu Ingu Sigurðardóttur fréttakonu Sýnar hefur verið fjarlægður af vef DV. Eigandinn er sagður nýta sér nafnlausa pistla í áróðursskyni til stuðnings ríkisstjórnarinnar. Frosti Logason og Bogi Ágústsson voru meðal þeirra sem tóku undir gagnrýnina á skrifin.

Stjórnmál

Greiddu 2,2 milljónir vegna heimsóknar Sjálfstæðisflokksins

Framkvæmdastjóri bandarísks fjárfestingarfyrirtækis segir það hafa greitt fyrir skipulagningu funda Sjálfstæðisflokksins í Washington. Ráðgjafi flokksins skráði greiðsluna sem kostun kvöldverðar. Fyrrverandi framkvæmdastjóri flokksins telur hins vegar að flokkurinn hafi greitt allan kostnað sjálfur.

Efnahagsmál

Þessu lofaði ríkisstjórnin til að tryggja að kjarasamningar héldu

Skuldsett heimili gætu fengið samtals þrjá milljarða króna í vaxtabætur ef ársverðbólga fer yfir fimm prósent í lok október 2027.

NærmyndRússland Pútíns

Spáði fyrir um framtíð Rússlands

Fólk trúði ekki Önnu Politkovskaju, þegar hún sagði að farið yrði fram á „algjöra undirgefni við Pútín“.

Stjórnmál

Þrettán aðgerðir ríkisstjórnarinnar til að bjarga kjarasamningum

Skuldsett heimili fá samtals 1,3 milljarða króna í einskiptisvaxtabætur verði ársverðbólga yfir 3,8 prósent í lok október 2027. Gjaldskrárhækkanir verða takmarkaðar við 2,5 prósent.

Mest lesið í mánuðinum

ViðtalLífið á Grensás

Katla sem breytti heilbrigðiskerfinu

Enginn á Íslandi hefur lifað af jafn alvarlegan mænuskaða og Katla Guðnadóttir sem lenti í dularfullu bílslysi 22 ára gömul. Hún er föst á Grensásdeild þar sem kerfið hefur ekki afgreitt beiðni hennar um heimaþjónustu. Barátta hennar hefur þegar skilað fordæmalausri ákvörðun í heilbrigðisráðuneytinu en oft líður henni eins og fólki hefði þótt það auðveldara ef hún hefði ekki lifað slysið af.

Innlent

Lögreglan rukkar viðburðahaldara um tugi milljóna

Tvö lögregluembætti hafa krafið þrjá viðburðarhaldara um samanlagt 47 milljónir vegna þriggja viðburða í sumar. Viðburðahaldarar eru hugsi vegna málsins og tveir hafa kært gjaldtöku lögreglu.

Stjórnmál

Reikna ellilífeyri rangt samkvæmt orðalagi laga

Ellilífeyrisgreiðslur hafa miðað við of lágt frítekjumark í nær áratug samkvæmt orðalagi laga. Milljarðar eru undir en Tryggingastofnun túlkar lögin út frá lögskýringargögnum. Skrifstofa Alþingis segir lögin ekki uppfylla kröfur og ráðuneytið hyggst skoða hvort þeim þurfi að breyta.

ViðtalLífið á Grensás

„Ég hef ekkert til að kvarta yfir“

Söru Margréti Bergmann var kippt út úr lífi þriggja barna sinna þegar hún lamaðist skyndilega frá toppi til táar. Endurhæfingu hennar miðar vel og hún nýtur litlu hlutanna í lífinu. „Ég get verið glöð og þakklát fyrir allt, jafnvel þó ég verði alltaf í þessum stól.“

ViðtalLífið á Grensás

Prófaði brimbretti í fyrsta skipti og lamaðist

Wojciech Jarosz vann á Keflavíkurflugvelli en eftir örlagaríkt frí í Karíbahafinu sækir hann nú endurhæfingu á Grensásdeild í von um að geta staðið aftur upp einn daginn. Sjaldgæfur kvilli sem byrjendur á brimbrettum geta fengið olli lömun fyrir neðan mitti.

Innlent

Ofrukkaði sveitarfélög fyrir sorphirðu yfir 100 milljónir króna

Íslenska gámafélagið ofrukkaði Garðabæ og Mosfellsbæ yfir 100 milljónir króna vegna sorphirðu. „Þá eruð þið ekki alveg saklaus í þessu máli,“ sagði starfsmaður fyrirtækisins.