Af 33 efnisköflum í samningaviðræðum Íslands við Evrópusambandið hafa 27 verið opnaðir og 11 af þeim lokað. Alls 16 kaflar eru enn opnir og sex kaflar hafa ekki verið opnaðir, meðal annars þeir sem snúa að sjávarútvegi og landbúnaði, sem talin eru ein mikilvægustu álitaefnin. Flestir af þeim köflum sem hefur verið lokað eða hafa verið opnaðir varða málefni sem falla undir EES-samninginn en suma kafla gæti þurft að opna á ný verði ákveðið að halda viðræðum áfram.

Þannig var staðan fyrir alþingiskosningar 2013, rúmu einu og hálfu ári eftir að efnislegar viðræður við ESB hófust. Vorið 2013 tók ríkisstjórn Framsóknarflokks og Sjálfstæðisflokks við af ríkisstjórn Samfylkingar og Vinstri grænna sem sótt hafði um aðild árið 2009 eftir atkvæðagreiðslu á Alþingi. Ný ríkisstjórn stóð ekki við loforð um þjóðaratkvæðagreiðslu um framhald viðræðna en utanríkisráðherra, Gunnar Bragi Sveinsson, afhenti bréf til formennsku ESB og framkvæmdastjórnar þess efnis að aðildarviðræðum yrði ekki …