Stjórnmál

Rósin lokar á Vinstrið

Eft­ir upp­nám í kjöl­far próf­kjörs hef­ur Sam­fylk­ing­ar­fé­lag­ið Rós­in ákveð­ið að standa áfram að baki flokkn­um í stað þess að hefja sam­starf við Vinstr­ið.

Rósin lokar á Vinstrið
Guðný Maja Riba Varaformaður Samfylkingarfélagsins Rósarinnar undirritar yfirlýsingu fyrir hönd stjórnar félagsins, þar sem horfið er frá tilraun formanns hennar til að hefja samstarf við Vinstrið. Mynd: b'HULDA MARGRET'
Birtist fyrir 7 mánuðum.

Stjórn Rósarinnar, félags innan Samfylkingarinnar, hefur lokið viðræðum við stjórnmálaaflið Vinstrið um mögulegt samstarf vegna komandi sveitarstjórnarkosninga. Niðurstaðan er að Rósin mun fylkja sér áfram að baki Samfylkingunni, fremur en að ganga til liðs við Vinstrið.

Aðdragandi viðræðnanna var ósætti meðlima Rósarinnar, og formanns hennar, Guðmundar Inga Þóroddssonar, með að hann hlyti ekki sæti ofarlega á lista Samfylkingarinnar fyrir borgarstjórnarkosningar í maí. Rósin sagði sig úr fulltrúaráði Samfylkingarinnar í kjölfarið. Þá sagðist Guðmundur Ingi vera „með plan“ og hóf síðan viðræður við Vinstrið, áður nefnt Vor til vinstri, sem er sameinað framboð Sönnu Magdalenu Mörtudóttur, sem kjörin var fyrir Sósíalista, og Vinstri grænna.

Í yfirlýsingu Rósarinnar í dag, sem er undirrituð af varaformanni hennar, Guðnýju Maju Riba, er niðurstaðan gerð ljós. 

„Að undangengnu mati hefur stjórn Rósarinnar ákveðið einróma að halda áfram starfi sínu innan Samfylkingarinnar og styðja hana í komandi kosningum. Skýr vilji stjórnar er að vinna að festu, samstöðu og ábyrgri málefnalegri vinnu.“

Þá er vísað óbeint til umræðu um fordóma gagnvart formanni Rósarinnar, sem er formaður Afstöðu, félags fanga.

„Ferlið hefur verið lærdómsríkt og undirstrikað mikilvægi opinnar umræðu um fordóma og stöðu jaðarsettra hópa í samfélaginu. Rósin hefur um árabil lagt sitt af mörkum til þeirrar umræðu og mun halda þeirri vinnu áfram af ábyrgð og festu,“ segir í yfirlýsingunni.

Rósin óskar síðan Samfylkingunni „til hamingju með öflugan og fjölbreyttan framboðslista“.

Athygli vakti í myndatöku fyrir framboðslista Samfylkingarinnar í Reykjavík í dag að Heiða Björg Hilmisdóttir borgarstjóri, sem hafnaði í öðru sæti í prófkjöri flokksins, var ekki viðstödd. Hún var sögð veik.

Kjósa
19
Hvernig finnst þér þessi grein? Skráðu þig inn til að kjósa.
Efnisorð

Athugasemdir (1)

Skráðu þig inn til að skrifa athugasemd eða kjósa.
  • GG
    Guðmundur Guðmundsson skrifaði
    1. mars 2026 16:09
    Fyrirsögn pistilsins gefur alranga mynd af atburðarrásinni en glögga mynd af afstöðu ritstjórnar Heimildarinnar til framboðs vinstrimanna.

    Atburðarrásin virðist hafa verið á þessa leið: Eftir ósætti um uppstillingu á lista Samfylkingarinnar, segir Rósin sig úr fulltrúaráði Samfylkingarinnar. Formaður Rósarinnar, Guðmundur Ingi Þóroddsson segist í framhaldi munu leita eftir samstarfi við Vinstrið. Þá er kippt í spotta og stjórn Rósarinnar þvinguð til þess að snúa við blaðinu. Hún gefur út dæmalausa yfirlýsingu, þar sem hún étur ofan í sig fyrri gagnrýni, og óskar flokknum „til hamingju með öflugan og fjölbreyttan framboðslista“. Enn fremur segir þar að stjórn Rósarinnar standi einhuga að yfirlýsingunni, sem undirrituð er af varaformanni, en ekki formanni…

    Fyrir þá sem lesa fyrirsagnir er engu líkara en að Vinstrið hafi reynt að draga Rósina á tálar en Rósin skellt á nefið á þeim.
    1
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Ásgeir Brynjar Torfason
6
Pistill

Ásgeir Brynjar Torfason

Und­ir pils­faldi Banda­ríkj­anna

Hvernig lít­ur það út að hafa hafn­að að­ild­ar­við­ræð­um ut­an frá? Með því að úti­loka þann kost, hvernig bregð­umst við hér þá við breytt­um heimi? Ein leið er að taka landa­korti banda­ríska for­set­ans, sem sett hef­ur fána­lit­ina á yf­ir­ráða­svæð­ið sitt, sem gríni. Hvorki Kan­ada né Mexí­kó taka því gríni. Eyj­ar­skeggj­ar á Jamaíku og Kúbu eru lík­leg­ast hrædd­ir. Kannski er það kost­ur að vera bara kok­hraust.

Mest lesið í mánuðinum

Katla sem breytti heilbrigðiskerfinu
2
ViðtalLífið á Grensás

Katla sem breytti heil­brigðis­kerf­inu

Eng­inn á Ís­landi hef­ur lif­að af jafn al­var­leg­an mænusk­aða og Katla Guðna­dótt­ir sem lenti í dul­ar­fullu bíl­slysi 22 ára göm­ul. Hún er föst á Grens­ás­deild þar sem kerf­ið hef­ur ekki af­greitt beiðni henn­ar um heima­þjón­ustu. Bar­átta henn­ar hef­ur þeg­ar skil­að for­dæma­lausri ákvörð­un í heil­brigð­is­ráðu­neyt­inu en oft líð­ur henni eins og fólki hefði þótt það auð­veld­ara ef hún hefði ekki lif­að slys­ið af.

Mest lesið í mánuðinum

Nýtt efni

Fulltrúi Íslands sat áfram meðan tugir gengu úr salnum undir ræðu Netanyahu
Stjórnmál

Full­trúi Ís­lands sat áfram með­an tug­ir gengu úr saln­um und­ir ræðu Net­anya­hu

Tug­ir full­trúa gengu úr saln­um þeg­ar Benja­mín Net­anya­hu, for­sæt­is­ráð­herra Ísra­els, hóf ræðu sína á alls­herj­ar­þingi Sam­ein­uðu þjóð­anna. Full­trúi Ís­lands sat áfram í sæti lands­ins. Þor­gerð­ur Katrín Gunn­ars­dótt­ir ut­an­rík­is­ráð­herra var á sama tíma á fundi til stuðn­ings Palestínuflótta­manna­hjálp SÞ.
„Kannast ekki við þá mynd sem hefur verið dregin þar upp“
StjórnmálÁtök í Flokki fólksins

„Kann­ast ekki við þá mynd sem hef­ur ver­ið dreg­in þar upp“

Guð­rún Haf­steins­dótt­ir krafði Ingu Sæ­land svara um hver hafi ákveð­ið af­sögn Guð­mund­ar Inga Krist­ins­son­ar úr rík­is­stjórn. Í skila­boð­um sem að­stoð­ar­kona hans sendi hon­um í janú­ar sagði að ákvörð­un­in hefði ver­ið tek­in af „val­kyrj­un­um“. Inga seg­ir þau Guð­mund Inga greina á um að­drag­anda máls­ins og stend­ur við sín­ar ákvarð­an­ir.
Sigmundur Davíð vill afnema erfðafjárskatt
Stjórnmál

Sig­mund­ur Dav­íð vill af­nema erfða­fjárskatt

Sig­mund­ur Dav­íð Gunn­laugs­son og sjö aðr­ir þing­menn reyna nú aft­ur að af­nema erfða­fjárskatt. Þau vísa með­al ann­ars til OECD en stofn­un­in hef­ur einnig fært sterk rök fyr­ir skatt­lagn­ingu þeg­ar um stór­an arf er að ræða. Það á til að mynda við um það þeg­ar eig­in­kona Sig­mund­ar fékk rúm­an millj­arð króna í fyr­ir­fram­greidd­an arf sem fór síð­ar inn í af­l­ands­fé­lag­ið Wintris.

Mest lesið undanfarið ár