Bandaríska orkumálaráðuneytið hefur tilkynnt að það muni skera niður um 24 milljarða bandaríkjadollara í loftslagsiðnaði þar í landi. Ákvörðunin bitnar illa á Climeworks sem er með föngunarver á Hellisheiði. Fyrirtækið hugðist reisa eitt stærsta kolefnisföngunarver heims í Louisiana fylki.
Bandaríska blaðið Wall Street Journal greindi frá því 7. október síðastliðinn að ákvörðun hafði verið tekin um að skera niður fjárstyrki til um 600 verkefna tengdum loftslagsiðnaði. Þar á meðal föngunarvers í heimabæ repúblikans Mike Johnson, sem er jafnframt forseti bandaríska þingsins. Fyrirtækið Heirloom, sem hugðist reisa föngunarver í heimabæ þingforsetans, Shreveport, sagði niðurskurðinn koma niður á tvö þúsund störfum í Louisiana fylki.
Fjárfrekustu verkefnin snúa að framleiðslu á vetni en eitt fyrirtækið, sem er staðsett í Kaliforníu, átti að fá rúman milljarð dollara í ríkisstyrki. Þrjú fyrirtæki sem hugðust framleiða vetni verða af samtals 3 milljörðum bandaríkjadollara vegna niðurskurðarins.
Einræðisherrum hefur alltaf verið meinilla við menntun. Þeir vilja heimskingja til að taka sér vopn í hönd og efla þar með hergagnaiðnaðinn sem mest. Enda er þessum stjórnmálamönnum stjórnað af þessum skuggalegu aðilum sem virðast nafnlausir.
Mjög mikilvægt er að fjölmiðlar fletti ofan af stjórnendum hergagnaiðnaðarins, opinberi tengsl þeirra við stjórnmálamenn og þjóðarleiðtoga. Í augum hergagnaframeliðenda er friðsamleg samskipti þjóða ógn við útþenslustefnu og gróðavonina. Þetta eru skuggaleg öfl sem þarf að varpa ljósi á og upplýsa alþjóð um gáskalega framkomu gagnvart friðsamlegum lausnum.